बॉलिवूडचा (Bollywood) सुपरस्टार रणबीर कपूर (Ranbir Kapoor) सध्या त्याच्या 'अ‍ॅनिमल' (Animal) या चित्रपटामुळे चांगलाच चर्चेत आहे. रिलीज होण्यापूर्वी या चित्रपटाला प्रेक्षकांकडून पसंती मिळत आहे. या चित्रपटाबाबत प्रेक्षकांमध्ये उत्सुकता कमालीची वाढली आहे. सध्या या चित्रपटाची टीम प्रमोशनमध्ये बिझी आहे.
नुकताच हैदराबादमध्ये या चित्रपटाचा प्री-रिलीज कार्यक्रम पार पडला. ज्यामध्ये चित्रपटाची संपूर्ण स्टारकास्ट उपस्थित होती. यादरम्यान अनिल कपूर (Anil Kapoor) साऊथचा सुपरस्टार महेश बाबूसोबत (Mahesh Babu) असा काही वागला ज्यामुळे त्याला सध्या ट्रोल केले जात आहे.
सोशल मीडियावर एक व्हिडिओ मोठ्या प्रमाणात व्हायरल होत आहे. या व्हिडिओमध्ये अनिल कपूर आणि बॉबी देओल स्टेजवर दिसत आहेत. अनिल स्टेजसमोर बसलेल्या महेश बाबूला हाक मारतो. महेशला जरा लाजल्या सारखे वाटते. त्यानंतर अनिल कपूर माईकवर बोलतो की,'ही माझी ऑर्डर आहे. तू ये.' अनिल कपूरच्या या विनंतीवर महेश बाबू स्टेजवर पोहोचतो.
महेश बाबू स्टेजवर पोहोचतो आणि आजूबाजूला पाहतो. अनिल कपूर नाचू लागतो आणि महेशलाही नाचायला सांगतो. पण महेश बाबू अनिल कपूरला मिठी मारतो आणि स्टेजवरून खाली जातो. अनिल कपूर आणि महेश बाबू यांचा हा व्हिडिओ सोशल मीडियावर मोठ्या प्रमाणात व्हायरल होत आहे. हा व्हिडीओ पाहिल्यानंतर महेश बाबूचे चाहते चांगलेच संतापले आहेत. ते सोशल मीडियावर अनिल कपूरला ट्रोल करत आहेत.
हा व्हिडिओ व्हायरल होताच अनिल कपूरला सोशल मीडियावर प्रचंड ट्रोल केले जात आहे. एका यूजरने लिहिले की,'आता तुम्हाला समजेल की थलापती जवानच्या कार्यक्रमात का आला नाही.' दरम्यान, रणबीर कपूर आणि अनिल कपूर यांचा 'अ‍ॅनिमल' चित्रपट १ डिसेंबरला प्रदर्शित होणार आहे. या चित्रपटात रश्मिका मंदान्ना, बॉबी देओल आणि तृप्ती डिमरी हे देखील मुख्य भूमिकेत आहेत. या चित्रपटाचे दिग्दर्शन संदीप रेड्डी वंगा यांनी केले आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.