Ira Khan- Nupur Shikhare Wedding: नुपूर शिखरेची बायको झाली आयरा खान, थाटामाटात पार पडला विवाहसोहळा

Ira Khan And Nupur Shikhare Wedding Video:

बॉलिवूडचा (Bollywood) मिस्टर 'परफेक्शनिस्ट' अर्थात अभिनेता आमिर खानची (Aamir Khan) लाडकी मुलगी आयरा खान (Ira Khan) अखेर आज विवाहबंधनात अडकली. आयरा खान (Ira Khan) तिचा बॉयफ्रेंड नुपूर शिखरेसोबत (Nupur Shikhare) हॉटेल ताज लँड्स एंडमध्ये कोर्ट मॅरेज केले. आयरा आणि नुपूरच्या लग्नाला दोघांच्या कुटुंबातील जवळचे व्यक्ती आणि मित्र परिवाराने हजेरी लावली. या दोघांच्या लग्नाचे फोटो आणि व्हिडीओ सध्या सोशल मीडियावर व्हायरल होत आहेत. सध्या सोशल मीडियावर कमेंट्स करत दोघांचेही चाहते त्यांच्यावर शुभेच्छांचा वर्षाव करत आहेत.

आयरा खान आणि नुपूर शिखरे लग्नामध्ये खूपच सुंदर दिसत होते. आयराने लाइट पिंक कलरचा शरारा परिधान केला होता. नववधू्च्या रुपामध्ये आयरा खूपच क्युट दिसत होती. तर नुपूरने डार्क ब्लू कलरची शेरवानी परिधान केली होती. यामध्ये तो खूपच हँडसम दिसत होता. या कपलचा लग्नातला लूक सर्वांना प्रचंड आवडत आहे. पण नुपूर शिखरे लग्नाला टी-शर्ट आणि शॉर्ट्समध्ये पोहचला. नुपूर शिखरे लग्नाच्या ठिकाणी रनिंग करत करत पोहचला. त्याचे व्हिडीओ व्हायरल होत आहेत.

लग्नानंतर आयरा आणि नुपूरने एकमेकांच्या कुटुंबासोबत फोटोसेशनही केले. आपल्या मुलीच्या लग्नात आमिर खानचा लूक देखील खूपच जबरदस्त होता. आमिर खानने व्हाइट कलरचा कुर्ता आणि धोतर तसंच डोक्यावर पिंक कलरचा फेटा घालला होता. आमिर खानच्या लूकने सर्वांचे लक्ष वेधून घेतले. याशिवाय रीना दत्ता आणि आमिर खानही लग्नात एकत्र उभे राहिल्याचे फोटोंमध्ये पाहायला मिळाले. मुलगी आयराच्या लग्नात रीना दत्ताने ब्लू कलरचा लाँग सूट परिधान केला होता. ज्यामध्ये ती खूपच सुंदर आणि आनंदी दिसत होती. तिचा लूकही खूप पसंत केला जात आहे.

मीडिया रिपोर्ट्सनुसार, लग्नाची नोंदणी केल्यानंतर हे कपल 8 जानेवारीला उदयपूरमध्ये महाराष्ट्रीय रितीरिवाजांनुसार लग्नबंधनात अडकणार आहेत. आयरा आणि नुपूर यांनी आज मुंबईतील हॉटेल ताज लँड्स एंडमध्ये अधिकाऱ्यांच्या उपस्थितीत त्यांच्या लग्नाची नोंदणी केली. आमिर खानची एक्स वाइक किरण राव देखील त्यांचा मुलगा आझादसोबत आयरा आणि नुपूरच्या लग्नात सहभागी झाली होती. व्हायरल होणाऱ्या एका व्हिडिओमध्ये आमिर खान किरण राववर प्रेमाचा वर्षाव करताना दिसला. त्याने सर्वांसमोर किरणच्या गालावर किस केले. किरण रावने ग्रीन कलरचा ड्रेस परिधान केला होता.