विकी कौशल, एमी विर्क आणि तृप्ती डिमरी स्टारर 'बॅड न्यूज' रिलीज झाल्यापासून बॉक्स ऑफिसवर चर्चेचा विषय ठरला आहे. मुख्य बाब म्हणजे, ‘बॅड न्यूज’ चित्रपट हा विकी कौशलच्या कारकिर्दितील हिट चित्रपटांपैकी एक आहे.
आनंद तिवारी दिग्दर्शित चित्रपट थिएटरमध्ये, १९ जुलैला रिलीज झालेला आहे. या चित्रपटाची सध्या चाहत्यांमध्ये जोरदार चर्चा सुरू असून या चित्रपटाला पहिल्या विकेंडला दमदार प्रतिसाद मिळालेला आहे. चित्रपटाला पहिल्या विकेंडला कसा प्रतिसाद मिळतोय जाणून घेऊया...
सॅकल्निक ट्रेड ॲनालिस्टच्या अहवालानुसार, चित्रपटाला पहिल्या विकेंडमध्ये उत्तम प्रतिसाद मिळालेला आहे. चित्रपटाने तीन दिवसांत ३० कोटींची कमाई केलेली आहे. पहिल्या दिवशी ८.३ कोटी, दुसर्‍या दिवशी १०.२५ कोटी आणि तिसऱ्या दिवशी म्हणजेच रविवारी ११.१५ कोटींची कमाई केलेली आहे.
चित्रपटाला प्रेक्षकांकडून दमदार प्रतिसाद मिळत असून चाहते कलाकारांच्या अभिनयाचे कौतुक करीत आहेत. चित्रपटाला मिळत असलेला दमदार प्रतिसाद पाहून विकी कौशलसोबतच चित्रपटाच्या इतर टीमलाही आनंद गगनात मावेनासा झालाय.
विकी कौशल आणि तृप्ती डिमरीचं 'तौबा तौबा' हे गाणे केवळ भारतातच नव्हे तर परदेशातही टॉप करत होते. ट्रेलर रिलीज झाल्यापासून त्यातील धमाल कॉमेडी पाहून प्रेक्षकांच्या मनातील चित्रपटाविषयीची उत्सुकता आणखी शिगेला पोहचली होती.
इशिता मोईत्रा आणि तरुण दुडेजा यांनी लिहिलेला 'बॅड न्यूज' हा २०१९ च्या 'गुड न्यूज' फ्रेंचाइजी चित्रपटाचा सिक्वेल आहे. या चित्रपटात सलोनी बग्गा (तृप्ती डिमरी) हीच्या पोटात जुळी मुली आहेत.
मनोरंजक गोष्ट म्हणजे या मुलांना एक नाही तर दोन वडील (विकी आणि एमी) आहेत. आता या दोघांपैकी ती आपल्या मुलाचा बाप म्हणून कोणाची निवड करणार, याभोवतीच ही कथा फिरतेय.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.