Genelia : जिंगल बेल्स, जिंगल ऑल द वे! देशमुखांच्या घरी नाताळची जय्यत तयारी सुरू, रितेशनं मुलांसह सजवला ख्रिसमस ट्री

ख्रिसमस (Christmas 2024 ) आता काही दिवसांवर येऊन ठेपला आहे. अनेकांच्या घरी ख्रिसमसची तयारी चालू झालेली पाहायला मिळत आहे. ख्रिसमस 25 डिसेंबरला असतो. ख्रिसमस वेळी सर्वत्र रोषणाई आणि लाल रंग पाहायला मिळतो. ख्रिसमस हा विशेषता लहान मुलांचा आवडता सण आहे. ख्रिसमसला सांताक्लॉज लहान मुलांना गिफ्ट देतो. अनेक ठिकाणी ख्रिसमस पार्टीचे आयोजन केले जाते.

ख्रिसमसची लगबग बॉलिवूडच्या देशमुख कुटुंबातही पाहायला मिळत आहे. महाराष्ट्राचे लाडके दादा-वहिनी ख्रिसमसच्या तयारीला लागले आहेत. रितेश देशमुख आणि जिनिलीयाचा मोठा चाहता वर्ग आहे. त्यांच्या घरी प्रत्येक सण मोठ्या धुमधड्याक्यात पार पडतो. जिनिलीया ख्रिश्चन असूनही सर्व मराठमोळ्या गोष्टी, सण आणि परंपरा तिला माहिती आहे. ती या सर्व गोष्टी नेहमीच फॉलो करताना दिसते.

रितेश (Riteish Deshmukh) आणि जिनिलीयाच्या (Genelia) घरी ख्रिसमसचे खास सेलिब्रेशन असते. या सेलिब्रेशनच्या तयारीचा एक व्हिडीओ जिनिलीयाने सोशल मीडियावर टाकला आहे. जिनिलीयाने इन्स्टाग्रामवर ख्रिसमस ट्री डेकोरेशनचा (Christmas Tree Decoration) व्हिडीओ शेअर केला आहे. ज्यात रितेश देशमुख आपल्या मुलांसोबत (रियान, राहील ) ख्रिसमस ट्री सजवताना पाहायला मिळत आहे.

याआधी देखील राहील आणि रियानने गणोशोत्सवात रितेश देशमुखसोबत बाप्पाची सुरेख मूर्ती घडवली होती. अनेक वर्ष एकमेकांना डेट करून अखेर रितेश आणि जिनिलीयाने 2012 मध्ये लग्नगाठ बांधली. यांनी मराठमोळ्या आणि ख्रिश्चन अशा दोन्ही पद्धतीने लग्न केले. रितेश देशमुख आणि जिनिलीयाच्या मुलांच्या संस्काराचे कायमच सर्वांकडून कौतुक होते. रितेश देशमुख आणि जिनिलीया कायमच एकमेकांचा आदर करताना पाहायला मिळतात.