बॉलीवूड सुपरस्टार सुनील शेट्टीची (Suniel Shetty) मुलगी अभिनेत्री अथिया शेट्टी (Athiya Shetty) आणि तिचा नवरा भारतीय क्रिकेटर केएल राहुल (Indian cricketer KL Rahul) लवकरच आई-बाबा होणार आहे. ही गोड बातमी त्यांनी आपल्या सोशल मिडिया अकाउंटवर पोस्ट करून दिली आहे.
अथिया आणि केएल राहुल लग्नाच्या दीड वर्षानंतर आपल्या पहिल्या बाळाला जन्म देणार आहेत. अथियाने आपल्या सोशल मिडियावर एक खास पोस्ट केली आहे. त्यात असं लिहिलं आहे की, "आमचे सुंदर आशीर्वाद लवकरच येत आहेत...2025" या पोस्टमधून अथिया आणि केएल राहुलने प्रेग्नेंसीची (Athiya KL Rahul Pregnancy Announcement) घोषणा केली आहे. त्यांच्या या पोस्टवर चाहत्यांनी कमेंट्सचा वर्षाव केला आहे. तसेच अनेक सेलिब्रिटी आणि क्रिकेटरने त्यांच्या या पोस्टवर कमेंट्स करून शुभेच्छा दिल्या आहेत.
अभिनेत्री अथिया शेट्टी आणि भारतीय क्रिकेटर केएल राहुल 2019 पासून एकमेकांना ओळखत होते. अनेक वर्ष ते एकमेकांना डेट करत राहीले आणि अखेर 2023मध्ये त्यांनी लग्नगाठ बांधली आहे. आता 2025 हे जोडप आई-बाबा होणार आहे.
अथियाचा सोशल मीडियावर मोठा चाहता वर्ग आहे. तिचे इंस्टाग्रामवर 4.6 मिलियन फॉलोअर्स आहेत. तिने अनेक चित्रपटात काम केले आहे. तिने आपल्या अभिनयाने चाहत्यांच्या मनावर राज्य केले आहे. अथिया आपल्या वेगवेगळ्या लूकचे फोटो आणि प्रोजेक्ट संबंधित माहिती इंस्टाग्रामवर शेअर करत असते. केएल राहुल हा भारताचा एक उत्तम क्रिकेटर आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.