Aishwarya Rai Bachchan: ऐश्वर्याला सिन्नरमधील जमिनीबाबत तहसीलकडून नोटीस, काय आहे प्रकरण?

Sinnar Tehsil News: बॉलीवूड अभिनेत्री ऐश्वर्या राय बच्चन नेहमीच चर्चेत असते. सध्या ती चित्रपटांमध्ये दिसत नसली तरी अनेक रेड कार्पेट इव्हेंटमध्ये सहभागी होत असते. ऐश्वर्याला सध्या लवकरच एका अडचणीला सामोरे जावे लागणार आहे. ऐश्वर्याला सिन्नर तहसील कार्यालयाकडून नोटीस पाठविण्यात आली आहे. कर थकविल्या प्रकरणी ऐश्वर्याला ही नोटीस पाठविण्यात आली.

ऐश्वर्या रायने नाशिकच्या सिन्नरमधील जमिनीचा २२ हजार रुपये कर थकवला आहे. या प्रकरणी सिन्नर तहसील कार्यालयाकडून ऐश्वर्या राय -बच्चनला नोटीस पाठविण्यात आली आहे.

ऐश्वर्या रायची सिन्नर तालुक्यातील पश्चिम पट्ट्यात ठाणगाव जवळील आडवाडीच्या डोंगराळ भागात १ हेक्टर २२ आर जमिन आहे. तिच्या या जमिनीचा वर्षाच्या करापोटी २१ हजार ९७० रुपयांची थकबाकी आहे. येथील पवन ऊर्जा निर्मिती क्षेत्रातील सुजलॉन कंपनीत अनेक नेते अभिनेत्यांची गुंतवणूक असल्याची चर्चा आहे.

थकीत अकृषक कराचा भरणा करण्यासाठी ऐश्वर्या रायसह १२०० थकबाकीदारांना नोटीसा यावेळी सिन्नर तहसील कार्यालयाने बजावल्या आहेत.