ऐश्वर्या रायच्या हाताला दुखापत, प्लॅस्टर असूनही Cannes Film Festival 2024 साठी आराध्यासोबत रवाना

कान्स फिल्म फेस्टिव्हलला (Cannes Film Festival) १४ मे पासून सुरूवात झालेली आहे. या फेस्टिव्हलला जगभरातील अनेक दिग्गज सेलिब्रिटी या फेस्टिव्हलमध्ये सहभाग घेतात. अनेक बॉलिवूड अभिनेत्रीही यावर्षी कान्स फिल्म फेस्टिव्हलमध्ये डेब्यू करीत आहेत. कियारा अडवाणी (Kiara Adwani), शोभिता धुलिपाला (Shobhita Dhulipala) आणि आदिती राव हैदरी (Aditi Rao Hydari) यांनी कान्समध्ये पदार्पण केले आहे.

बॉलिवूड अभिनेत्री ऐश्वर्या राय बच्चनही (Aishwarya Rai Bachchan) आपल्या लेकीसोबत कान्स फेस्टिव्हलसाठी फ्रान्सला रवाना झालेली आहे. अभिनेत्री काल रात्री मुंबई विमानतळावर लेकीसोबत स्पॉट झाली. अभिनेत्रीचा हाताला प्लॅस्टर लावलेलं दिसत आहे, हाताला दुखापत झाली असतानाही ती या फेस्टिव्हलला उपस्थित राहत असल्यामुळे कमालीची चर्चेत आली आहे.

सध्या, सोशल मीडियावर ऐश्वर्याचा एक व्हिडीओ व्हायरल होत आहे. या व्हिडीओमध्ये ऐश्वर्या लेक आराध्यासोबत (Aradhya Bachchan) कान्स फिल्म फेस्टिव्हल २०२४ (Cannes Film Festival 2024) मध्ये सहभागी होण्यासाठी रवाना झालेली आहे. मात्र, यावेळी ऐश्वर्याच्या हाताच्या प्लॅस्टरने नेटकऱ्यांचे लक्ष वेधले आहे. नेटकऱ्यांकडून अभिनेत्रीच्या हेल्थची विचारपूस केली जात आहे. लवकरात लवकर ऐश्वर्या बरी होण्याची नेटकरी प्रार्थना करीत आहेत. इतकं हाताला लागलं असलं तरीही ती परदेशात जात असल्यामुळे चाहते तिचे कौतुक करीत आहे. ऐश्वर्या आणि आराध्याच्या साध्या सिंपल लूकचे चाहते कौतुक करीत आहेत.

खरंतर ऐश्वर्या गेल्या अनेक वर्षांपासून कान्स फेस्टिव्हलला उपस्थिती लावत आहे. दरवर्षी तिच्या लूकची चाहत्यांमध्ये जोरदार चर्चा सुरू असते. गेल्यावर्षी अभिनेत्रीने रेड कार्पेटवर सिल्व्हर गाऊन कॅरी केला होता. तिच्या त्या एकदम हटक्या लूकची नेटकऱ्यांमध्ये जोरदार चर्चा झाली होती. तिचे जितके कौतुक झाले, तितकेच तिला ट्रोलही नेटकऱ्यांनी केले.

जगातील सर्वात प्रतिष्ठित कान्स फिल्म फेस्टिव्हल १४ मे पासून सुरू झाला आहे. यावेळी हा कार्यक्रम २५ मे २०२४ पर्यंत चालणार आहे. फ्रान्सच्या कान्स शहरात ७७ व्या कान्स चित्रपट महोत्सवाचे आयोजन करण्यात आले आहे. या कार्यक्रमात जगभरातील स्टार्स आपली जादू दाखवतात. कान फिल्म फेस्टिव्हलची प्रत्येकजण आतुरतेने वाट पाहत असतो.