Salman Khan: 'सलमान खानमध्ये हिंमत असेल तर त्याला वाचव', लॉरेन्स बिश्नोईच्या नावे अभिनेत्याला पुन्हा धमकी; ते गाणं आलं चर्चेत

सलमान खानला धमक्या येण्याचे प्रमाण दिवसेंदिवस वाढत चालले आहे. नुकतंच गुरूवारी अभिनेता सलमान खानला पुन्हा एकदा धमकी आली आहे. लॉरेन्स बिश्नोई गँगकडून सलमानला धमकी आली आहे. मुंबई वाहतूक नियंत्रण कक्षा सलमान खानच्या धमकीचा फोन आल्याची माहिती समोर आली आहे. गुरूवारी रात्री १२ वाजण्याच्या सुमारास धमकीचा फोन आला आहे. आता पुन्ही सलमान खानला धमकी कोणी दिली आहे. याचा पोलिसांकडून तपास सुरू आहे.

माहितीनुसार, सलमान खानला नुकतीच मिळालेली धमकी ही एका गाण्यामुळे मिळाली आहे. गाण्यामध्ये सलमान खान आणि लॉरेन्स बिश्नोई यांच्या नावांचा समावेश आहे. या गाण्याचे गीतकार यांच्यानावे ही धमकी मिळाली असून सलमान खानमध्ये हिंमत असेल तर त्याला वाचव असे धमकी देणाऱ्याने म्हटलं आहे.

राजस्थानमधील जालोर जिल्ह्यातील ३२ वर्षीय भिखाराम याला यामध्ये अटक केली आहे. भिखारामने सलमान खानला धमकी दिली होती त्याने ५ कोटी रूपयांची खंडणी मागितल्यांच स्पष्ट झालं आहे. यानुसार पोलिसांनी भिखारामला कर्नाटकातील हावेरी येथून अटक केले आहे.

सलमान खानचे निकटवर्तीय, राष्ट्रवादीचे नेते बाबा सिद्धीकी यांच्या हत्येनंतर सलमान खानला सुद्धी जीवे मारण्याच्या धमक्या येऊ लागल्या आहेत. दिवसेंदिवस वाढत असलेल्या या धमक्यामुळे सलमान खानची सुरक्षा वाढवण्यात आली आहे.