Anil Kapoor Birthday: दुबईत अपार्टमेंट अन् लग्जरी कार, 'मिस्टर इंडिया' किती कोटींचे मालक?

बॉलिवूड अभिनेता अनिल कपूर (Anil Kapoor) त्याच्या डॅशिंग शैलीसाठी ओळखला जातो. त्याने 80चे दशक गाजवले आहे. आजवर त्याने अनेक हिट चित्रपट केले आहेत. आताही अनिल कपूर फायटर, ॲनिमल सारख्या ॲक्शन चित्रपटामध्ये काम करताना पाहायला मिळत आहे. अनिल कपूर एक लग्जरी लाइफस्टाइल जगत आहे. आज अभिनेता अनिल कपूरचा ६८ वाढदिवस आहे.

अनिल कपूर नेटवर्थ

अनिल कपूर आपल्या जबरदस्त चित्रपटातून बंपर कमाई करत आहे. तसेच तो एक निर्माता देखील आहे. तो 'बधाई हो बधाई' या 2002 मध्ये रिलीज झालेल्या चित्रपटाचा निर्माता आहे. मीडिया रिपोर्टनुसार, अभिनेता अनिल कपूर यांची एकूण संपत्ती (Net Worth) 134 कोटी रुपये आहे. अनिल कपूर वर्षाला 12 कोटी रुपये कमावतात. तसेच अनिल कपूर एका चित्रपटासाठी 2 कोटी रुपये घेतात.

अनिल कपूर याचे अनेक ब्रँडसोबत कनेक्शन आहे. एका ब्रँडच्या जाहिरातीसाठी तो साधारण 55 लाख रुपये घेतो. अनिल कपूरचा मुंबईतील जुहूमध्ये 30 कोटी रुपयांचा बंगला आहे. हा बंगला 3 मजल्यांचा आहे. तसेच दुबईत दोन बेडरूमचे अपार्टमेंटही आहे. याशिवाय अमेरिकेत एक आलिशान अपार्टमेंट आहे.

अनिल कपूरला आलिशान कार खूप आवडतात. त्याच्याकडे भन्नाट कारचे कलेक्शन आहे. यात बीएमडब्ल्यू, लेम्बोर्गिनी गैलार्डो, स्पायडर, जग्वार, ऑडी आणि मर्सिडीज अशा कोटी रुपयांच्या गाड्या त्याच्याकडे आहे. अनिल कपूरच्या आगामी प्रोजेक्टसाठी चाहते आतुर आहेत. आज वाढदिवसानिमित्त अनिल कपूरने त्याचा आगामी चित्रपट 'सुभेदार'चा टीझर रिलीज केला आहे.