Bigg Boss 18: बिग बॉसच्या घरात डबल एलिमिनेशनचा धमाका, दिग्विजयनंतर 'या' दोन सदस्यांची एक्झिट

'बिग बॉस 18'चा (Bigg Boss 18) गेम दिवसेंदिवस मनोरंजक होत जात आहे. सर्वजण बिग बॉसच्या ट्रॉफीसाठी बिनधास्त खेळताना दिसत आहे. बिग बॉसचा हा १२वा आठवडा सुरू आहे. मीडिया रिपोर्टनुसार, 'बिग बॉस 18'चा अंतिम सोहळा 19 जानेवारीला पार पडणार आहे. त्यामुळे आता बिग बॉसच्या घरात मिड वीक डबल एविक्शन झाले आहे.

दिग्विजय राठीच्या नंतर घरातून दोन सदस्य बाहेर पडले आहेत. दिग्विजयच्या घरातील एक्झिटमुळे भाईजान सलमान खानने (Salman Khan) घरातील सदस्यांची शाळा घेतली. दिग्विजयनंतर घरातील चार सदस्य नॉमिनेटेड झाले होते आणि त्यातून दोन सदस्य घराबाहेर गेले. नॉमिनेट झालेल्या सदस्यांमध्ये चाहत पांडे, ईशा सिंह, एडिन रोज आणि यामिनी मल्होत्रा यांचा समावेश होता. या चौघींमधून एडिन रोज (Edin Rose) आणि यामिनी मल्होत्रा (Yamini Malhotra) घरातून बाहेर गेल्या आणि चाहत पांडे आणि ईशा सिंह सुरक्षित झाल्या.

बिग बॉसच्या घरातून एडिन आणि यामिनी घराबाहेर गेल्यामुळे कशिश खूपच भावुक होते. घरातून बाहेर जाताना यामिनी करण वीरला एक खास सल्ला देते. ती म्हणते की, "चुम दरांगसोबत लग्न कर... यापेक्षा चांगली मुलगी भेटणार नाही..." या दोघींनीही घरातील सदस्यांना खेळासाठी शुभेच्छा दिल्या.

बिग बॉसच्या घरात आता एकूण 11 सदस्य राहिले आहेत. आता पुढे बिग बॉसच्या घरातून कोण बाहेर जाणार याकडे प्रेक्षकांचे लक्ष लागून आहे. तसेच 'बिग बॉस 18' चा विजेता कोण होणार हे जाणून घेण्यासाठी आता फक्त काहीच दिवस बाकी आहेत. या आठवड्यात टाइम गॉड कोण होणार? याकडे प्रेक्षकांचे लक्ष लागून आहे.