Sky Force Collection : 'स्काय फोर्स'ची पहिल्या दिवशी उंच भरारी, कलेक्शनचा आकडा किती?

बॉलिवूडच्या खिलाडीचा नवीन चित्रपट सध्या थिएटरमध्ये धुमाकूळ घालत आहे. अक्षय कुमार (Akshay Kumar ) आणि वीर पहारियाचा 'स्काय फोर्स' (Sky Force ) चित्रपट 24 जानेवारीला प्रेक्षकांच्या भेटीला आला आहे. या चित्रपटाने पहिल्याच दिवशी बंपर कमाई केली आहे. अक्षय कुमारचा 2025 मधील हा पहिला चित्रपट आहे. 'स्काय फोर्स' चित्रपटातून वीर पहारिया याने बॉलिवूडमध्ये पदार्पण केले आहे. चाहते चित्रपट पाहण्यासाठी मोठ्या संख्येने जात आहेत.

महाराष्ट्राचे माजी मुख्यमंत्री सुशील कुमार शिंदे यांचा वीर पहारिया (Veer Pahariya ) नातू आहे. 'स्काय फोर्स' चित्रपटाला पार्श्वभूमी देशभक्ती आहे. भारत-पाकिस्तान हल्ल्याची कथा यात सांगण्यात आली आहे. 'स्काय फोर्स' चित्रपटात बॉलिवूडचा फायटर सैफ अली खानची मुलगी सारा अली खान देखील आहे.

'स्काय फोर्स' बॉक्स ऑफिस कलेक्शन दिवस 1

'स्काय फोर्स' हा चित्रपटाने रिलीजच्या पहिल्या दिवशी (Box Office Collection Day 1) 11.25 कोटी रुपयांची कमाई केली आहे. अक्षय कुमारसोबतच वीर पहारियानेही आपल्या दमदार अभिनयाने प्रेक्षकांचे मनोरंजन केले आहे. 'स्काय फोर्स' हा चित्रपट 160 कोटींच्या बजेटमध्ये बनवा आहे. प्रजासत्ताक दिनाच्या वीकेंडला प्रदर्शित झालेल्या या चित्रपटाला पहिल्याच दिवशी प्रेक्षकांचा चांगला प्रतिसाद मिळाला आहे.'स्काय फोर्स' वीकेंडला किती कमाई करतो हे पाहणे मनोरंजक ठरणार आहे.

'स्काय फोर्स'मध्ये अक्षय कुमारसोबत वीर पहाडिया, सारा अली खान, आणि निरमत कौर हे कलाकार मुख्य भूमिकेत आहेत. 'स्काय फोर्स' हा ॲक्शन चित्रपट आहे.