Gopichand Padalkar New Song: 'आमच्या नादाला लागण्याआधी...'; भाजप आमदाराच्या गाण्याने सोशल मीडियात कल्ला

MLA Gopichand Padalkar New Song: भाजपच्या आमदार गोपीचंद पडळकर यांचा नवीन गाण्याचा व्हिडीओ सोशल मीडियावर धुमाकूळ घालत आहे. २ फेब्रुवारी २०२६ रोजी त्यांनी “आमच्या नादाला लागण्याआधी… एकदा होळकरशाही आठवा” हे नविन गाणं रिलीज झाले आहे. ते त्यांचं तिसरं गाणं असून याआधी २ गाणी प्रदर्शित झाली आहेत.

गोपीचंद पडळकर हे त्यांच्या आक्रमक आणि स्पष्ट भाषणासाठी राजकारणात ओळखले जातात, पण या गाण्याद्वारे त्यांनी आपला सर्जनशील व सांस्कृतिक पक्षही लोकांसमोर आणला आहे. गाण्याचे बोल पडळकरांनी स्वतः सादर केले असून, सचिन माळी यांनी त्याचे शब्द लिहिले आहेत. संगीत आणि गायनाची जबाबदारी मिलिंद शिंदे, शीतल साठे व अनिकेत मोहिते यांनी सांभाळली आहे.

व्हिडीओमध्ये पडळकर स्वतः मुख्य भूमिकेत दिसत असून, त्यांच्या अभिनयावर चाहत्यांकडून सकारात्मक प्रतिसाद मिळत आहे. काहींना त्यांच्या अभिनयाचे कौतुक केले आहे. गाणे प्रदर्शित झाल्यानंतर अगदी पहिल्या २४ तासांत तब्बल १.५ लाखाहून अधिक व्ह्यूज मिळाले आहेत. यामुळे हे गाणं आणखी चर्चेचा विषय बनला आहे.

सोशल मीडियावरील कमेंट बॉक्समध्ये समर्थकांनी पडळकरांच्या या सर्जनशील प्रयत्नांचे कौतुक केले आहे. तर काही नेटकऱ्यांनी या गाण्याची चेष्टा केली आहे. एका नेटकऱ्याने लिहीले, बॉलीवूड मधील हिरो पेक्षा भारी आमचा हिरो, आणखी एकाने लिहीले, संघर्ष योद्धा गोपीचंद पडळकर साहेब, आणखी एकाने लिहीले, काय हे.. अगरबत्ती.. उदबत्ती..