Bigg Boss Marathi: बिग बॉसच्या घरात नवा राडा; अरबाज आणि निक्कीच्या मैत्रीत फूट, नेमकं काय झालं?

बिग बॉस मराठीचा ५ वा सीझन चांगलाच चर्चेत आहे. बिग बॉस या शोचा चौथा आठवडा सुरू आहे. बिग बॉसच्या घरात रोज नवीन नवीन टास्क शोमध्ये प्रेक्षकांना पाहायला मिळत आहे.नुकताच पार पडलेल्या नॉमिनेशन टास्कमध्ये टीम A आणि टीम B मध्ये नॉमिनेशनसाठी बिग बॉसच्या घरात राडा झाला. आता बिग बॉसचा नवीन प्रोमो रिलीज झाला आहे.

गेल्या काही दिवसांपासून टीम A मध्ये भांडणं होताना दिसत आहे. त्यातच आता वादाची नवीन ठिणगी म्हणजेच अरबाज आणि निक्कीमध्ये बाचाबाची होताना दिसत आहे. निक्की अभिजीत सावंतशी बोलतेय हे अरबाजला आवडत नाही आहे. असाच एक प्रोमो सोशल मीडियावर शेअर करण्यात आला आहे. निक्की आणि अभिजीतची मैत्री अरबाजला खटकत असल्याचं अनेकदा पाहायला मिळालं आहे.

या प्रोमोमध्ये तुम्ही पाहू शकता, अरबाज निक्कीला म्हणत आहे,"तुम्हाला चांगलं वाटतंय तर तुम्ही एकमेकांसोबत दिवसभर बोला". असं म्हणतोय अनिक्की पुढे अभिजीतला म्हणते,"त्याचं म्हणणं हेच आहे की आम्ही सगळे याच्या विरोधात आहोत. तर तू का नाही आहेस?". तर दुसरीकडे अरबाज अंकिताला म्हणतो,"अभिजीत समोर असेल तर कृपया मध्ये येऊ नकोस. आता मी भिडणार". निक्की आणि अभिजीतची मैत्री अरबाजला चांगलीच खटकत असल्याचं पाहायला मिळत आहे. यामुळे कोण कोणाच्या विरोधात तसेच कोणाला कोणाच्या मैत्रीचा त्रास होतो आहे हे आज बिग बॉसच्या घरात पाहणं महत्वाचं असेल.