Bigg Boss Marathi : बिग बॉसच्या घरात पार पडणार नॉमिनेशनचा नवीन टास्क, कोण कोणाला करणार नॉमिनेट?

बिग बॉसच्या चौथ्या आठवडा फारच रंजक आहे. बिग बॉसच्या घरातील सुरू असलेला राडा सर्वाचं लक्ष वेधून घेत आहे. बिग बॉसच्या चौथ्या आठवड्यात प्रत्येक स्पर्धकांमध्ये टास्क जिंकण्यासाठी लढाई सुरू आहे. यावेळी प्रत्येक स्पर्धकाला नॉमिनेशनचा नवीन टास्क देण्यात आला आहे. नुकताच बिग बॉसचा नवा प्रोमो रिलीज झाला आहे.

या प्रोमोमध्ये, बिग बॉसच्या घरात नॉमिनेशन टास्क पार पडणार आहे. प्रत्येक सदस्याला आपल्या गळ्यातील फोटो चुलीत टाकून योग्य कारण देऊन नॉमिनेट करायचे आहे. जान्हवीने आर्याचा फोटो गळ्यात टाकला असून ती म्हणतेय " हिचा फोटो गळ्यात टाकून फिरण्याची माझ्यावर वेळ आली आहे."

याचदरम्यान पॅडी अरबाजला म्हणतोय, "कॅप्टन झाल्यानंतरच सगळे नियम लक्षात येतात" तर अभिजीत म्हणतोय "चुकीचं करतोयस... आज नाहीतर उद्या तुला हे भोगावचं लागेल" आता अरबाजने काय केलं आहे ज्यामुळे सर्वच त्याच्यावर भडकले आहेत हे पाहणं महत्वाचे ठरेल. तसेच या नवीन टास्कमुळे बिग बॉसच्या घरात कोण कोणाला नॉमिनेट करणार आहे हे आज बिग बॉसच्या घरात पाहायला मिळणार आहे.