Bigg Boss Marathi 6 Video : विशालसोबत ब्रेकअप; राखीशी बोलताना रुचिता चक्कर येऊन पडली, बिग बॉसच्या घरात नेमकं चाललंय तरी काय?

'बिग बॉस मराठी 6'च्या घरात रोज नवीन ड्रामा पाहायला मिळत असतो. घरातील सदस्यांची नाती पटकन बदलताना दिसतात. दोन - दोन दिवसांनी यांचे ग्रुप देखील बदलतात. बिग बॉस मध्ये सुरूवातीपासून चर्चेत असलेली जोडी म्हणजे रुचिता आणि विशाल होय. अलिकडेच रुचिता आणि विशालने आपल्या नात्याची कबुली दिली. दोघेही एकमेकांना आवडतात. त्यामुळे बिग बॉसच्या घरात प्रेमाचे वारे वाहताना दिसत होते. मात्र आता या जोडीत मोठी फूट पडली आहे.

बिग बॉसचा नवीन प्रोमो समोर आला आहे. ज्यात असे दिसून येते की, रुचिता- विशालच्या जोडीत दुरावा आला आहे. त्याचा ब्रेक झाल्याचे दिसून येत आहे. नेमकं बिग बॉसच्या घरात चाललंय तरी काय? हा मोठा प्रश्न प्रेक्षकांना पडला आहे. नवीन प्रोमोवर प्रेक्षक भरभरून कमेंट्स करत आहे. नेटकरी दोघांनाही नावे ठेवताना दिसत आहेत.

व्हिडीओमध्ये नेमकं काय?

(रुचिता आणि विशाल बाल्कनीमध्ये बसून बोलत असतात. )

रुचिता - तू मला आवडतो तर आवडतो...

विशाल - ते असे वाटतेय की, मी तुझ्या पाठी पाठी जबरदस्ती करतोय...

रुचिता - विशाल तुला कळतेय का, माझी ती रिएक्शन होती...

विशाल - मला नाही बोलायचे तुझ्याशी...मी तुझ्याशी बोलो ही सर्वात मोठी चुकी आहे...

(त्यानंतर रुचिता तेथून निघून जाते. त्यानंतर ती खूप रडते. तेव्हा सागर तिल आधार देताना दिसतो. त्यानंतर घरात राखी सावंत तिच्याशी बोलते. रुचिताला समजावते. तिला आधार देते. )

राखी सावंत - दुःख करून घेऊ नकोस. (एवढ्याच रुचिता जमिनीवर कोसळते) विशाल ती पडली...

बिग बॉसच्या घरात आता नॉमिनेशन टास्क पार पडणार आहे. नॉमिनेशन टास्क दरम्यान नवा वाद होताना दिसतो. राखी सावंत तन्वी कोलते आणि दिपालीला नॉमिनेट करते. ती लोक घरात फेक वागत असल्याचे राखी सांगते. आता येणाऱ्या भागांमध्ये विशाल-रुचिताचा नात्याचे नेमकं काय घडणार, हे पाहणे महत्त्वाचे ठरणार आहे. तसेच या आठवड्यात कोण घराबाहेर जाणार याकडे प्रेक्षकांचे लक्ष लागून आहे.  'बिग बॉस मराठी ६' हा शो रात्री 8 वाजता 'कलर्स मराठी' आणि 'जिओहॉटस्टार'वर पाहायला मिळणार आहे.