Bigg Boss Marathi 6 Grand Finale : शेवटच्या क्षणी बाजी पलटली; 'बिग बॉस मराठी 6'चा स्ट्राँग स्पर्धक घराबाहेर, नाव वाचून बसेल धक्का

Bigg Boss Marathi 6 Grand Finale : बिग बॉस मराठी ६ चा ग्रँड फिनाले आता उत्कंठावर्धक टप्प्यावर पोहोचला असून प्रेक्षकांमध्ये प्रचंड उत्सुकता निर्माण झाली आहे. जवळपास 100 दिवस चाललेल्या या प्रवासात घरातील सदस्यांमध्ये मैत्री, वाद, टास्क आणि भावनिक क्षणांचा अनुभव प्रेक्षकांनी घेतला. महाराष्ट्राचा लाडका होस्ट रितेश देशमुख याच्या सूत्रसंचालनामुळे यंदाचा सीझन विशेष रंगला.

ग्रँड फिनालेदरम्यान एलिमिनेशनची पार पडले आणि त्यामध्ये एक मोठा ट्विस्ट पाहायला मिळाला. टॉप ४ मध्ये तन्वी कोलते, अनुश्री माने, विशाल कोटियन आणि राकेश बापट हे स्पर्धक होते. ग्रँड फिनालेचे पहिले एलिमिनेशन खूपच धक्कादायक ठरले. यावेळी हे एलिमिनेशन वाजत गाजत झाले यावेळी सर्व स्पर्धकांच्या डोळ्यावर काळी पट्टी बांधण्यात आली आणि त्यातून नाचत अनुश्री मानेला डान्सर्स बाहेर घेऊन गेले

टॉप ३ स्पर्धक

राकेश बापट

तन्वी कोलते

विशाल कोटियन

आता अंतिम टप्प्यात पोहोचलेल्या टॉप ३ स्पर्धकांमध्ये विजेतेपदासाठी जोरदार चुरस पाहायला मिळत आहे. प्रत्येक स्पर्धकाने आपल्या खेळ, व्यक्तिमत्त्व आणि रणनीतीच्या जोरावर प्रेक्षकांची मनं जिंकली आहेत. त्यामुळे यंदाचा विजेता कोण ठरणार, याबाबत प्रचंड उत्सुकता निर्माण झाली आहे.

या सीझनमध्ये एकूण १६ स्पर्धकांनी घरात प्रवेश केला होता. त्यामध्ये राधा पाटील, सोनाली राऊत, दिव्या शिंदे, ओंकार राऊत, आयुष साळुंखे, करण सोनावणे, सचिन कुमावत, रुचिता जामदार, रोशन भजंकर, प्रभू शेळके, संकेत पाठक, सागर कारंडे, संस्कृती आणि राखी सावंत यांचा समावेश होता. गेल्या तीन महिन्यांत या शोने प्रेक्षकांचे भरपूर मनोरंजन केले. आता ग्रँड फिनालेच्या अंतिम क्षणांमध्ये कोण ट्रॉफी उचलणार, याकडे सर्वांचे लक्ष लागले आहे.