यंदा दिवाळीत अनेक कालाकारांनी नवीन गोष्टींची खरेदी केली आहे. कोण घर घेतलं तर कुणी गाडी प्रत्येकजण दिवाळीचा आनंद घेताना पाहायला मिळत आहे. अशात आता अजून एका कलाकाराचे घराचे स्वप्न पूर्ण झाले आहे. मुंबईत स्वतःच्या हक्काचे घर खरेदी करणे ही खूप मोठी अभिमानाची गोष्ट आहे. मात्र 'बिग बॉस मराठी' फेम कलाकाराने चक्क गोव्याला आलिशान घर खरेदी केले आहे. हा कलाकार दुसरा तिसरा कोणी नसून 'बिग बॉस मराठी' फेम मीनल शाह (Meenal Shah) आहे.
दिवाळीच्या शुभ मुहूर्तावर मीनल शाहने गोव्याला आलिशान बंगला खरेदी केला आहे. ही गोड बातमी तिने इन्स्टाग्रामवर घराच्या पूजेचे फोटो शेअर करून दिली आहे. तिने गृहप्रवेशाचे फोटो चाहत्यांसोबत शेअर केले आहेत. मीनल शाहने धनत्रयोदशीच्या शुभ मुहूर्तावर गोव्यातील तिच्या नव्या घरात गृहप्रवेश केला आहे. मीनलने या फोटोंना खूप छान कॅप्शन दिलं आहे. तिने लिहिलं की, "गणपती बाप्पा मोरया!शेवटी आमचं स्वप्न सत्यात उतरलं..."सपने देखने से लेकर उनको पूरा करने तक का सफर" या शब्दात मीनलने आपल्या भावना व्यक्त केल्या आहेत. तसेच मीनल संपूर्ण पोस्टमध्ये आपला प्रवास सांगितला आहे. मीनलच्या या पोस्टवर चाहत्यांनी शुभेच्छांचा पाऊस पाडला आहे.
मीनल शाह 'बिग बॉस मराठी 3' मध्ये (Bigg Boss Marathi 3 ) झळकली होती. आपल्या गेमने तिने प्रेक्षकांचे मन जिंकले होते. बिग बॉसमुळे मीनलला प्रचंड लोकप्रियता मिळवली. मीनल शाह टॉप ५ मध्ये होती. तसेच मीनल 'रोडीज'मध्येही दिसली होती.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.