Jay Dudhane : 'बिग बॉस' फेम अभिनेत्याच्या घरी लगीनघाई; गर्लफ्रेंडसोबत पार पडला साखरपुडा, क्यूट VIDEO होतोय व्हायरल

सूरज चव्हाणनंतर 'बिग बॉस मराठी' फेम अभिनेता जय दुधाणे लवकरच बोहल्यावर चढणार आहे. नुकताच जयने आपल्या गर्लफ्रेंडसोबत साखरपुडा केला आहे. त्यांच्या साखरपुड्याचे फोटो आणि व्हिडीओ सोशल मीडियावर तुफान व्हायरल होत आहेत. जय दुधाणे सोशल मीडिया इन्फ्लुएन्सर आणि प्रसिद्ध युट्यूबर हर्षला पाटीलसोबत लग्नगाठ बांधणार आहे. ही दोघे अनेक वर्षांपासून एकमेकांना डेट करत आहेत.

जय दुधाणेच्या साखरपुड्याचा एक खास रोमँटिक व्हिडीओ व्हायरल होत आहे. ज्यात जय हर्षलाला रोमँटिक अंदाजात गुडघ्यावर बसून साखरपुड्याची अंगठी घालताना दिसत आहे.जय दुधाणेच्या साखरपुड्याला त्यांचे मित्रमंडळी आणि कुटुंबिय पाहायला मिळाले. खूप थाटामाटात साखरपुडा पार पडला. सध्या जय दुधाणे आणि हर्षला पाटील यांच्यावर चाहते, मित्रमंडळी , कलाकार यांच्याकडून शुभेच्छांचा वर्षाव होत आहे.

मार्च महिन्यात जयने मसुरी येथे निसर्गाच्या सानिध्यात गुडघ्यावर बसून हर्षला प्रपोज केले होते आणि आपल्या प्रेमाची कबुली दिली. त्यांचा हा व्हिडीओ सोशल मीडियावर तुफान व्हायरल झाला. जय दुधाणेने साखरपुड्यासाठी काळ्या रंगाचा आउटफिट परिधान केला होता. तर हर्षलाने लेहंगा परिधान केला आहे. दोघे एकत्र खूपच सुंदर दिसत आहे. चाहते आता दोघांची लग्नाची उत्सुकतेने वाट पाहत आहेत.

वर्कफ्रंट

जय दुधाणेने अनेक रिअ‍ॅलिटी शो मध्ये भाग घेतला आहे. तो 'बिग बॉस मराठी 3' मध्ये झळकला. तसेच जय दुधाणे Splitsvilla 13 चा विजेता देखील ठरला आहे. तर 'बिग बॉस मराठी 3' तो उपविजेता ठरला. तसेच त्याने 'येड लागलं प्रेमाचं' या मालिकेत काम केले आहे. चाहते आता त्याच्या लग्नाची उत्सुकतेने वाट पाहत आहेत.