Armaan Malik Accident: 'मरता मरता वाचलो...' बिग बॉस फेम अभिनेत्याच्या कारचा झाला अपघात; Video केला शेअर

प्रसिद्ध युट्यूबर आणि बिग बॉस फेम अरमान मलिकचा अपघात झाला आहे. कामानिमित्त बाहेर असताना हा अपघात झाल्याची माहिती समोर आली आहे. सोशल मीडियावर स्वत:अरमानने याबद्दल सांगितलं आहे. एका गंभीर अपघातातून संपूर्ण कुटुंब वाचलं असल्याचं त्यानं म्हटलं आहे.

अरमान मलिकने त्याच्या इन्स्टाग्राम अकाउंटवर व्हिडीओ शेअर केली आहे. या व्हिडिओमध्ये अरमान म्हणतोय, 'आठवडाभरापूर्वी मी या कारची तक्रार केली होती. आज आम्ही मनालीहून गाण्याचे शुटिंग करुन घरी परतत होतो. अचानक कारचा टायर फुटला आणि कार अस्थिर झाली. आम्ही मृत्यूच्या दारेतून परत आलोय.'

पुढे त्याने, 'मी कारमध्ये झोपेलो होतो आणि योगेश गाडी चालवत होता. कृतिका मागे होती. आमच्यासोबत घडलेल्या घटनेत आम्ही बचावलो ही देवाची कृपा आहे.' असं त्यानं म्हटलं आहे.कारसोबतचा व्हिडिओ शेअर करत अरमानने कॅप्शनमध्ये,'आज आम्ही मृत्यूपासून वाचलो आहोत. असं लिहलं आहे.

अरमानने हा संपूर्ण प्रकार सांगितला आहे. अपघाताच्यावेळी अरमान देखील कारमध्ये होता. गाण्याच्या शुटींगनिमित्त तो मनालीला गेला होता. दरम्याने तेथून येताना ही घटना घडली. दोन दिवसांपूर्वीच अरमानने कारची तक्रार केली होती. अरमानने शेअर केलेल्या व्हिडीओवर त्याचे चाहते कमेंट करत आहेत.