‘Bigg Boss 19’च्या घरातून २ सदस्यांचा पत्ता कट, नाव वाचून बसेल धक्का

'बिग बॉस 19'चा (Bigg Boss 19) तिसरा ‘वीकेंड का वार’ पार पडणार आहे. चाहते यासाठी खूप उत्सुक आहेत. कारण या आठवड्यात डबल एलिमिनेशन होणार असल्याचे बोले जात आहे. सलमान खान 'बॅटल ऑफ गलवान'च्या शूटिंगमध्ये व्यस्त असल्याने ‘वीकेंड का वार’ होस्ट करू शकणार नाही. त्यामुळे ‘वीकेंड का वार’ फराह खान होस्ट करणार आहे. फराह खान घरातील सदस्यांना कसे फटकारते हे पाहण्यासाठी चाहते उत्सुक आहेत.

'बिग बॉस 19'च्या घरातून बाहेर जाण्यासाठी तिसऱ्या आठवड्यात चार सदस्य नॉमिनेट झाले. यात अवेज दरबार, नगमा मिरजकर, मृदुल तिवारी आणि नतालिया जानोस्जेक यांचा समावेश आहे. मीडिया रिपोर्टनुसार, या आठवड्यात डबल एलिमिनेशन पार पडणार असून नगमा मिरजकर (Nagma Mirajkar ) आणि नतालिया जानोस्जेक (Natalia Janoszek ) यांचा घरातील प्रवास येथेच संपणार आहे. कमी मतांमुळे नगमा मिरजकर आणि नतालिया जानोस्जेक यांचा 'बिग बॉस 19'मधून पत्ता कट होणार आहे.

नगमा मिरजकरच्या 'बिग बॉस 19' मधील एक्झिटमुळे चाहत्यांना मोठा धक्का बसला आहे. नगमा मिरजकरच्या जाण्यानंतर अवेज दरबार गेम कसा खेळणार हे पाहणे महत्त्वाचे ठरणार आहे. प्रेक्षकांना तीन आठवड्यात नगमा मिरजकर आणि नतालिया जानोस्जेकचा गेम दिसला नाही. तर घरात आल्यापासून पहिल्यांदा अवेज दरबार आणि बसीर अलीसोबत भांडतो. त्यांच्यात मोठा वाद होतो.

फराह खानने घरातील सदस्यांची चांगलीच शाळा घेतली आहे. फराह खान कुनिका आणि बसीर अलीला चांगले खडेबोल सुनावताना दिसत आहे. त्यामुळे ‘वीकेंड का वार’ चांगलाच रंगणार आहे. 'बिग बॉस 19'चे येणारे आठवडे अधिकच रंजक असणार आहेत.