'Bigg Boss 19'च्या घरात तान्या मित्तल झाली राजकुमारी; अमाल मलिकने स्वतःच्या हातांनी जेवण भरवले, पाहा VIDEO

'बिग बॉस 19' (Bigg Boss 19) दिवसेंदिवस अधिक रंजक होत जाताना दिसत आहे. 'बिग बॉस 19' च्या घरात तान्या मित्तलला प्रिंसेस ट्रीटमेंट मिळाली आहे. बिग बॉसने एक मजेशीर व्हिडीओ शेअर केला आहे. ज्यात तान्या मित्तल, अमाल मलिक, गौरव, शेहबाज तुफान मजा मस्ती करताना दिसत आहे. बिग बॉसने शेअर केलेल्या प्रोमोमध्ये अमाल मलिक स्वतःच्या हाताने तान्या मित्तलला (Tanya Mittal ) भरवताना दिसत आहे.

तान्या मित्तल घरात सुंदर पिवळ्या रंगाची फ्लोरल प्रिंटेड साडी नेसून वावरत असते. तिने हातात राजकुमारी सारखे हातमोजे घातलेले असतात. शहबाज बदेशा तान्यासाठी जेवणाचे ताट भरून घेऊन येतो. त्यानंतर राजा बनलेल्या अमालने तान्याला जेवण भरवले. तेव्हा तान्या हसताना, लाजताना दिसते. त्यानंतर अमाल (Amaal Mallik) आणि तान्याला शहबाज उशीने हवा घालताना दिसतो. त्यानंतर झीशान तान्याला पाणी देतो. सर्वजण तुफान कॉमेडी करताना दिसत आहेत. अशाप्रकारे तान्या मित्तलचे राणी होण्याचे स्वप्न पूर्ण होते.

'बिग बॉस 19'च्या घरात नॉमिनेशन टास्क पार पडला आहे. घरातून बाहेर जाण्यासाठी सहा सदस्य नॉमिनेट झाले आहेत. यात गौरव खन्ना, अशनूर कौर, आवेज दरबार, प्रणित मोरे, मृदुल तिवारी आणि नीलम यांची नावे आहेत. आता 'वीकेंड का वार' मध्ये कोण घराबाहेर जाणार आणि कोण घरात राहून प्रेक्षकांचे मनोरंजन करणार हे पाहणे महत्त्वाचे ठरणार आहे.

तान्या नीलमसोबत गार्डनर एरियात बसलेली असताना तिला बोलते की, "मी ग्वाल्हेरहून आग्राला कॉफी पिण्यासाठी जाते. पण मी कॉफी तिथे पित नाही. माझ्या गाडीत एक बर्फाचा डबा घेऊन जाते, ज्यामध्ये मी माझी कॉफी भरते. नंतर ग्वाल्हेरला परत येते आणि माझ्या बागेत बसून कॉफी मी पिते." 'बिग बॉस 19'च्या घरात असेच तान्या मित्तलचे अतरंगी किस्से ऐकायला मिळत आहेत.