Tanya Mittal Amaal Mallik: अमल मलिक आणि तान्या मित्तलच्या नात्याला सुरुवात; बिग बॉसमध्ये खुलणार नवी प्रेमकथा

Tanya Mittal Amaal Mallik: सलमान खानच्या लोकप्रिय रिअॅलिटी शो 'बिग बॉस १९' चा नवीन प्रोमो समोर आला आहे आणि यावेळी त्याची झलक प्रेक्षकांना फार आवडली आहे. नवीन प्रोमोमध्ये तान्या मित्तल आणि अमल मलिक यांच्यातील हृदयस्पर्शी संवाद दाखवण्यात आला आहे, यामुळे शोमधील तणावपूर्ण वातावरण काही काळासाठी मंदावले. मागील भागात तान्या अमलचा चष्मा दाखवताना दिसली होती, आता येणाऱ्या भागात ती अमलला आधार देताना दिसली.

प्रोमोची सुरुवात

व्हिडिओच्या सुरुवातीला, अमल मलिक खूप दुःखी आणि रडताना दिसत आहे.तान्या त्याच्याकडे जाते, त्याचा हात धरते आणि तिच्या हातांनी त्याचे अश्रू पुसते. यानंतर ती त्याला एक गोष्ट सांगते. गोष्ट, ऐकून अमल हसून विचारतो "ही माझी गोष्ट तर नाही?"

प्रोमोवर लोकांच्या प्रतिक्रिया

काही चाहत्यांना हा व्हिडिओ प्रेक्षकांना फारच आवडत आहे. अनेक नेटकरी कमेंट करत कौतुक करत आहेत. एका नेटकऱ्याने लिहीले, या दोघांची जोडी खूप सुंदर आहे. तर एका नेटकऱ्याने लिहीले, तान्या फेम मिळवण्यासाठी अमालचा वापर करत आहे. आता या दोघांची मैत्री आणि की प्रेमाची सुरुवात होऊ लागली आहे हे पुढील भागात कळेल.

गावकरी त्याला खूप त्रास द्यायचे

तान्या मित्तल गोष्ट सांगताना म्हणाली, 'एक गाव होतं. तिथे मुलगा राहायचा. पण गावकरी त्याला खूप त्रास द्यायचे.' तान्या असे म्हणते तेव्हा व्हिडिओमध्ये अमल मलिक आणि कुनिका सदानंद यांच्यात वाद दिसून येतो. हळूहळू तान्या अमालला शांत करते आणि धीर देते.