Bigg Boss 19 Winner : 'बिग बॉस १९'ची ट्रॉफी कोण घरी घेऊन जाणार? 'हा' स्पर्धक आघाडीवर

सलमान खानचा रिॲलिटी शो 'बिग बॉस 19' चा ग्रँड फिनाले आता काही तासांवर आला आहे. काही तासांत बिग बॉसला त्याच्या 19 व्या सीझनचा विजेता भेटेल. 'बिग बॉस 19' च्या ग्रँड फिनालेची चाहते आतुरतेने वाट पाहत आहेत. गेले तीन महिने हा शो प्रेक्षकांचे भरपूर मनोरंजन करत आहेत. बिग बॉसने निकाल सांगण्याआधीच प्रेक्षकांनी आपला विजेता ठरवला आहे. कोण? तो जाणून घेऊयात.

'बिग बॉस 19'चे प्रेक्षक आपल्या आवडत्या स्पर्धकाला जिंकवण्यासाठी भरपूर मतदान करताना दिसत आहेत. त्यामुळे 'बिग बॉस 19' च्या अंतिम फेरीतील मतदानाचे आकडे पटापट बदलताना दिसत आहेत. लेटेस्ट मतदानानुसार कोणत्या सदस्याने बाजी मारली पाहा. बिग बॉसला आपले टॉप 5 स्पर्धक भेटले आहेत. खेळाच्या सुरुवातीपासूनच हे सदस्य प्रेक्षकांच्या मनावर राज्य करत आहेत.

'बिग बॉस 19'चे टॉप 5 स्पर्धक

• गौरव खन्ना

• प्रणित मोरे

• फरहाना भट्ट

• अमाल मलिक

• तान्या मित्तल

'बिग बॉस 19' चा विजेता कोण?

'बिग बॉस 19' च्या अंतिम फेरीतील मतदानानुसार, गौरव खन्ना आणि प्रणित मोरे दोघेही आघाडीवर आहे. तिसऱ्या-चौथ्या स्थानावर फरहाना भट्ट आणि तान्या मित्तल पाहायला मिळत आहे. तर पाचव्या स्थानावर अमाल मलिक आहे. व्होटिंगमध्ये प्रणित मोरे आणि अमाल मलिकच्या स्थानांमध्ये अदलाबदल होताना दिसत आहे. कधी अमाल टॉप 2 मध्ये दिसत आहे तर कधी प्रणित मोरे. मात्र विजेत्याचे पद गौरव खन्नाच्या नावावर सुरुवातीपासून दिसत आहे. त्यामुळे मीडिया रिपोर्टनुसार, जास्त मत आणि पाठिंबा गौरव खन्नाला मिळत आहे. त्यामुळे निकालाआधीच गौरव खन्नाच्या चाहत्यांनी त्याला 'बिग बॉस 19' चा विजेता म्हणून घोषित केले आहे.

ग्रँड फिनाले कुठे अन् कधी पाहता येणार?

सलमान खानचा शो 'बिग बॉस 19' चा ग्रँड फिनाले 7 डिसेंबर रोजी रात्री 9.00 वाजता जिओ सिनेमा आणि डिस्ने+ हॉटस्टारवर पाहायला मिळणार आहे. तसेच कलर्स टीव्हीवर रात्री 10:30 वाजता पाहू शकता.