'बिग बॉस 18' च्या ( Bigg Boss 18) घरात रोज नवीन राडा पाहायला मिळत आहे. करणवीर मेहरासोबतच्या स्पर्धेनंतर फायनली विवियन डिसेना या आठवड्यात 'टाइम गॉड' झाला आहे. आतापर्यंत विवियन बिग बॉसच्या घरात दुसऱ्यांदा 'टाइम गॉड' झाला आहे.
'टाइम गॉड' झालं की अनेक अधिकार सदस्याला मिळतात. बिग बॉसने विवियनला (Vivian Dsena ) एक अग्निपरीक्षा दिली, ज्यात त्याला घरातील दोन सदस्यांना जेलमध्ये टाकायचे होते. बिग बॉसने शेअर केलेल्या प्रोमोमध्ये तुम्ही पाहू शकता की, घरात कोणाला जेलमध्ये पाठवायचे यावरून चर्चा पाहायला मिळत आहे. रजत बोलतो की, जेलमध्ये अशा सदस्याला ठेवा जो रेशन देईल. तर दुसरीकडून ईशा बोलते की, चाहत आणि रजत दलाल दोघही न्यूट्रल आहेत. त्यानंतर शिल्पा करण आणि रजतचे नाव घेते. तर करण चाहतचे नाव घेतो. सर्वांची मते घेऊन झाल्यावर घराचा 'टाइम गॉड' म्हणजे विवियन आपला निर्णय देतो आणि रजत दलाल आणि श्रुतिका अर्जुनला जेलमध्ये पाठवतो. यामुळे या आठवड्यात रेशन वाटपाचा अधिकार रजत दलाल आणि श्रुतिकाला मिळाला आहे.
बिग बॉसच्या घरात या आठवड्याला सात सदस्य नॉमिनेट झाले आहेत. यांपैकी 'वीकेंड का वार' ला घरातून कोण बाहेर जाणार आणि सलमान खान कोणाची शाळा घेणार याकडे प्रेक्षकांचे लक्ष लागून आहे. तसेच हा 'वीकेंड का वार' खास होणार आहे. कारण या वीकेंडला घरात दिवाळी साजरी केली जाणार आहे.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.