Bigg Boss 18: 'नींद चुराई मेरी...'अविनाशने शर्टलेस होऊन ईशासोबत केला डान्स, पाहा VIDEO

बिग बॉसने (Bigg Boss 18) घरातील सदस्यांना एक टास्क दिला आहे. ज्यात सदस्यांचा राँमेंटिक अंदाज पाहायला मिळत आहेत. अविनाश मिश्रा-ईशा सिंहने घरात मस्त राँमेंटिक गाण्यावर डान्स केला आहे. तर दुसरीकडे करणवीर मेहरा-चुम दरांगने देखील कपल डान्स केला आहे. बिद बॉसच्या घरात या दोन जोड्यांची सध्या हवा पाहायला मिळत आहे. अविनाश आणि ईशा सोशल मीडियावर चांगलेच चर्चेत आहेत.

बिग बॉसने दिलेल्या टास्कमध्ये बेड केंद्रस्थानी आहे. त्यामुळे या दोन्ही जोड्या बेडवर उभ्या राहून डान्स करत आहेत. तुम्ही व्हिडीओमध्ये पाहू शकता की, अविनाश मिश्रा (Avinash Mishra) शर्टलेस होऊन ईशा सिंहसोबत (Isha Singh ) डान्स करत आहे. डान्स करताना ते एकमेकांमध्ये मग्न झालेले पाहायला मिळत आहे. अविनाश आणि ईशा 'नींद चुराई मेरी' या गाण्यावर डान्स करत आहे. तर दुसरीकडे करणवीर मेहरा (Karan Veer Mehra) आणि चुम दरांग (Chum Darang ) हे दोघे 'द हम्मा' या गाण्यावर थिरकताना दिसत आहेत. घरातील सदस्यांना करणवीर आणि चुम दरांगचा डान्स खूप आवडला आहे. कारण त्यांनी बेडवर धमाल केली आहे. उड्या मारल्या आहेत. तसेच करणवीर चुम दरांगला उचलून देखील घेताना दिसत आहे.

सध्या बिग बॉसमध्ये प्रेमाचे वारे वाहे लागले आहेत. एकीकडे अविनाश आणि ईशा घरात कायम एकत्र पाहायला मिळतात. तर दुसरीकडे अनेक दिवसांपासून करणला चुमवरून घरातील सदस्य चिडवत आहेत.

बिग बॉसच्या घरात या आठवड्यात अविनाश, ईशा, एलिस, श्रुतिका, अरफीन, शिल्पा आणि शहजादा हे सात सदस्य नॉमिनेट झाले आहेत. आता यातून कोण घराबाहेर जाणार आणि 'वीकेंड का वार'ला काय होणार हे पाहणे मनोरंजक ठरणार आहे.