Bigg Boss 17 Latest News: ‘तिकिट टू फिनाले’ साठी बिग बॉसचा स्पर्धकांना नवा टास्क; कोण मारणार पहिली बाजी?

Ticket To Finale Latest News

लोकप्रिय आणि तितकाच वादग्रस्त समजला जाणारा 'बिग बॉस १७'चा अवघ्या काही दिवसांवरच ग्रँड फिनाले येऊन ठेपला आहे. सध्या शोमध्ये 'तिकीट टू फिनाले' चर्चा होत आहे. अखेर 'बिग बॉस १७' मधील पहिला 'तिकीट टू फिनाले' कोणाला मिळू शकतो, याची भविष्यवाणी एका बिग बॉस फॅन्स पेजने केली आहे.

'बिग बॉस १७'च्या ग्रँड फिनालेच्या चर्चेदरम्यान, निर्मात्यांनी स्पर्धकांसमोर एक नवीन टास्क दिला आहे. त्या टास्कचं नाव 'टॉर्चर टास्क' असं आहे. या नव्या टास्कमुळे घरामध्ये जोरदार वाद सुरु झाले असून स्पर्धकांमध्ये चांगलीच जुंपली आहे.

नुकत्याच झालेल्या 'वीकेंड का वार' एपिसोडमध्ये, करण जोहरने स्पर्धकांना, 'तिकीट टू फिनाले' टास्क लवकरच घरामध्ये आयोजित केले जाईल. जो एक स्पर्धक जिंकेल आणि थेट फिनालेमध्ये पोहोचेल.

'बिग बॉस १७' मध्ये पहिला 'तिकीट टू फिनाले' कोणता स्पर्धक जिंकणार याची सध्या सोशल मीडियावर चांगलीच होत आहे. 'बिग बॉस १७' मधील पहिला 'तिकीट टू फिनाले' कोणाला मिळू शकतो, याची भविष्यवाणी एका बिग बॉस फॅन्स पेजने केली आहे.

बिग बॉस 17 संबंधित बातम्या शेअर करणाऱ्या 'बिग बॉस तक' या फॅन पेजने मनारा चोप्रा जिंकणार असल्याचं सांगितलं आहे. "बिग बॉसच्या 'तिकीट टू फिनाले' साठी पहिली स्पर्धक मन्नारा चोप्रा असू शकते. त्यासोबतच ती कॅप्टनही होऊ शकते. 'टॉर्चर टास्क' मध्ये ती जिंकण्याची शक्यता असून तिलाच पहिलं फिनालेचं तिकिट मिळण्याची शक्यता आहे." अशी त्या फॅनपेजने शक्यता वर्तवली आहे.