Harshali Malhotra : चाँद नजर आया...'बजरंगी भाईजान' फेम मुन्नीने व्हिडिओ शेअर करत दिल्या ईदच्या शुभेच्छा

Harshali Malhotra Wishes For Eid 2024 Share a Cute Video:

सलमान खानचा 'बजरंगी भाईजान' चित्रपट आजही सर्वांना आवडतो. चित्रपटातील बालकलकार म्हणजेच मुन्नीने सर्वांचीच मने जिंकली होती. मुन्नी म्हणजे हर्षाली मल्होत्रा. हर्षाली मल्होत्राचा एक व्हिडिओ सध्या सोशल मीडियावर प्रचंड व्हायरल होत आहे. हर्षाली मल्होत्राने नुकताच ईदनिमित्त एक व्हिडिओ शेअर करत चाहत्यांना ईदच्या शुभेच्छा दिल्या आहे. (Latest News)

हर्षाली मल्होत्रा सोशल मीडियावर नेहमी सक्रिय असते. ती नेहमी वेगवेगळे व्हिडिओ आणि फोटो सोशल मीडियावर शेअर करत असते. तिने नुकताच ईदनिमित्त खास व्हिडिओ शूट केला आहे. यात तिने काळ्या रंगाचा ड्रेस घातला आहे. हर्षाली या पारंपारिक लूकमध्ये खूपच सुंदर दिसत आहे. या व्हिडिओत हर्षाली 'चांद नजर आया' या गाण्यावर छोटीशी झलक केली आहे. या व्हिडिओवर तिने 'चाँद नजर आया' असं कॅप्शन दिले आहे.

हर्षाली मल्होत्रा या व्हिडिओत खूपच सुंदर दिसत आहे. तिच्या या व्हिडिओवर लाईक्स आणि कमेंट्सचा वर्षाव होत आहे. तिच्या या व्हिडिओवर एका युजरने कमेंट केली आहे, ईद तर उद्या आहे पण आम्ही आजच चंद्र पाहिला. तर आणखी एका युजरने म्हटल आहे की, जस्ट लूकिंग लाइक अ वाव, खूप सुंदर. अशा कमेंट्स या व्हिडिओवर आल्या आहे.

हर्षाली मल्होत्रा सलमान खानच्या 'बजरंगी भाईजान' चित्रपटात मूख्य भूमिकेत झळकली होती. ती सध्या कोणत्याही चित्रपटात दिसत नसली तरीही सोशल मीडियाच्या माध्यमातून चाहत्यांच्या संपर्कात असते.