Arijit Singh : "मला माहित आहे..."; अरिजीत सिंगने प्लेबॅक सिंगिंग का सोडले? प्रसिद्ध गायकाने केला मोठा खुलासा

अरिजीत सिंगच्या एका निर्णयाने चाहत्यांना मोठा धक्का बसला आहे. 27 जानेवारी 2026 ला रात्री अरिजीत सिंगने एक पोस्ट केली. ज्यामुळे सोशल मीडियावर खळबळ उडाली. त्याने प्लेबॅक सिंगिंगमधून रिटायरमेंट घेतली आहे. ही बातमी सोशल मीडियावर वाऱ्यासारखी पसरली, ज्यामुळे त्यांचे चाहते निराश झाले. मात्र अरिजीत सिंगने असा निर्णय का घेतला? याचा खुलासा अद्याप झाला नाही. यावर गायक पलाश सेनने मोठा खुलासा केला आहे.

गायक, संगीतकार आणि अभिनेता पलाश सेन यांनी अरिजीत सिंगच्या प्लेबॅक सिंगिंगमधून रिटायरमेंटच्या निर्णयावर प्रतिक्रिया दिली आहे. त्यांनी अरिजीतच्या निर्णयामागील कारणही स्पष्ट केले आहे. पलाश म्हणाले की, अरिजीतचा पार्श्वगायन सोडण्याचा निर्णय त्यांना समजतो, कारण तो देखील याच परिस्थितीतून गेला आहे. पलाश यांनी त्यांच्या सोशल मीडिया हँडलवर एक पोस्ट शेअर केली आहे, ज्यामध्ये त्यांनी त्यांचा प्रवास सांगितला आहे आणि अरिजीत सिंगबद्दल त्यांचे मत मांडले आहे.

पलाश सेन यांनी २००२ मध्ये आलेल्या 'फिलहाल' या चित्रपटात काम केले होते, ज्याला २४ वर्षे झाली आहेत. या खास प्रसंगी त्यांनी त्यांच्या चित्रपटाचे पोस्टर शेअर केले आणि त्यांचा चित्रपट २४ वर्षांपूर्वी २ फेब्रुवारी रोजी प्रदर्शित झाल्याचे उघड केले. मात्र हा चित्रपट बॉक्स ऑफिसवर फ्लॉप झाला. चित्रपटाचे पोस्टर शेअर करताना पलाशने लिहिले, "सुमारे २४ वर्षांपूर्वी अभिनेता म्हणून माझा पहिला चित्रपट 'फिलहाल' प्रदर्शित झाला होता आणि तो फ्लॉप झाला. त्या काळात अनेक समीक्षकांनी माझ्याबद्दल वाईट गोष्टी लिहिल्या आणि चित्रपटसृष्टीतील लोकांनी मला ट्रोलही केले. एका प्रसिद्ध मॉडेल-अभिनेत्रीने मला चित्रपटांमध्ये काम का करू नये यावर व्याख्यानही दिले. तिच्यासारखे अनेक जण होते ज्यांनी मला अभिनय सोडण्याचा सल्ला दिला."

पुढे पलाश सेन म्हणाला की, "सत्य हे आहे की, मला चित्रपटांमध्ये अजिबात रस नव्हता... मी चित्रपट केला कारण मला गुलजार साहेबांनी लिहिलेले गाणे गाण्याची इच्छा होती आणि दिग्गज अनुजी ते संगीतबद्ध करत होते. ते माझ्यासाठी आणखी एक स्वप्न पूर्ण झाल्यासारखे होते. मी फक्त मजा करण्यासाठी आणि पूर्ण प्रामाणिकपणे माझे काम करण्यासाठी आलो होतो..."

पलाशने अरिजितबद्दल काय म्हटले?

पलाशने अरिजितबद्दल पुढे लिहिले, "मला माहित आहे की, माझा भाऊ अरिजीत प्लेबॅक का सोडत आहे. मी खूप दिवसांपूर्वी त्याच ठिकाणी होतो आणि मी माझा स्वतःचा मार्ग निवडला... तोच मार्ग जो आता अरिजीत सिंग अनुसरण करत आहे. अरिजीत सिंगबद्दल बोलायचे झाले तर, तो अशा निवडक गायकांपैकी एक आहे ज्यांचा भावना आवाजातून थेट हृदयाला जाऊन स्पर्श करतात. अरिजीतने अनेक गाणी गायली आहेत. लोक त्यांची गाणी लूपवर ऐकतात. यामध्ये "अगर तुम साथ हो," "हमदर्द," "हमारी अधुरी कहानी," आणि "तुम ही हो" सारखी अनेक गाणी समाविष्ट आहेत."