Allu Arjun Share Video: आलिशान घरासह अल्लू अर्जुनने दाखवली 'Pusha 2: The Rule'च्या सेटची झलक

Allu Arjun Spend Time With Fans and Family:

'पुष्पा' म्हटलं की आपसुक 'झुकेगा नहीं साला' हे शब्द आपण उच्चारतो. पुष्पा चित्रपटामुळे जगभरीतील प्रेक्षकांपर्यंत पोहोचलेला आभिनेता अल्लू अर्जुनला नुकताच राष्ट्रीय पुकस्कार मिळाला आहे.

अल्लू अर्जुन पुढील चित्रपट आणि 'पुष्पा'च्या सिक्वेलची चाहते आतुरतेने वाट पाहत आहेत. या चित्रपटातील अल्लू अर्जुनचा लूक खूप आधीच रिव्हील झाला आहे. तसेच या चित्रपटाचा छोटा टीझर देखील आपल्या भेटीला आला होता.

दरम्यान अल्लू अर्जुन आता 'पुष्पा: द रुल' या चित्रपटाचे शूटिंग करत आहे. अल्लू अर्जुन एक भन्नाट व्हिडीओ त्याच्या चाहत्यांच्या भेटीला आणला आहे. 'पुष्पा २'च्या सेटवरील हा व्हिडीओ असून अल्लू अर्जुन या व्हिडीओच्या माध्यमातून अनेक गोष्टी सांगितल्या आहेत.

अल्लू अर्जुनाचा व्हिडीओ

अल्लू अर्जुनच्या या व्हिडीओची सुरुवात त्याच्या घरापासून होते. ट्रॉफीज, ऑफिस आणि घरात इतर गोष्टी व्हिडीओच्या सुरुवातीला दाखविण्यात अळूचे आहेत. त्यानंतर अल्लू अर्जुन व्हिडीओमध्ये म्हणतो, हाय इंस्टाग्राम, आज मी तुम्हाला 'पुष्पा २: द रुल'च्या सेटवर घेऊन जाणार आहे. त्याआधी मी तुम्हाला माझं घर दाखवतो. जिथून माझ्या दिवसाची सुरुवात होते.'

घराची झलक दाखवताना अल्लू अर्जुन घरातील गार्डन, त्याची मेडिटेशन करायची जागा आणि स्विमिंग पूल अशा काही गोष्टी दाखवतो. तसेच तो म्हणतो की आम्हाला लख्ख सूर्यप्रकाश आम्हाला हवा असतो. त्यानंतर कॉफी पिऊन झाल्यावर तो त्याच्या कामाला निघतो.

दुपारी एक वाजता तो नेहमी त्याच्या घरी फोन करतो. त्याच्या दोन्ही मुलांशी गप्पा मारतो. हे तो प्रवासादरम्यान करतो. त्यानंतर शूटिंगला जात असताना त्याने भारतातील त्याच्या फॅन्सचे कौतुक केले आहे.

'पुष्पा २' चे शॉटिंग जगातील सर्वात मोठ्या सेट रामोजी फिल्म सिटी येथे सुरु आहे. तिथे शेकडो फॅन्स त्याची वाट पाहत असतात. वेळ काढून त्या सर्वांना तो भेटतो. त्यांच्याशी बोलतो. त्यानंतर त्याच्या सेटवर जातो.

त्यानंतर तिथे गेल्यावर कॉस्ट्यूम सिलेक्शन होत. आज काय घडणार याची दिग्दर्शकासोबत चर्चा होते. 'पुष्पा'चे डिरेक्टर सुकुमार यांच्यासोबत गेली २० वर्ष काम करत आहे. अल्लू अर्जुनने सुकुमार यांच्या पहिल्या चित्रपटात काम केले होते. तेव्हापासून ते दोघे एकत्र काम करत आहेत. (Latest Entertainment News)