Adah Sharma Birthday Gift: अदा शर्माचं बेस्ट बर्थडे गिफ्ट: 'द केरला स्टोरी'नंतर 'द गेम ऑफ गिरगिट' या नवीन चित्रपटाची घोषणा

Adah Sharma-Shreyas Talpade Upcoming Movie: 'द केरला स्टोरी'मुळे सध्या चर्चेत असलेली अभिनेत्री अदा शर्माचा आज ३१ वा वाढदिवस आहे. अदाचा 'द केरला स्टोरी' हा चित्रपट वादाच्या भोवऱ्यात अडकला असला तरी बॉक्स ऑफिसवर दमरदार कमाई करत आहे.

अदा शर्माच्या 'द केरला स्टोरी'ची चर्चा सुरू असताना आता तिच्या आगामी 'द गेम ऑफ गिरगिट' या चित्रपटाची घोषणा झाली आहे. अदाच्या या आगामी चित्रपटाबाबत चित्रपट निर्मात्यांनी घोषणा केली आहे. या नव्या चित्रपटात अदा पोलिस अधिकाऱ्याच्या भूमिकेत दिसणार आहे. (Latest Entertainment News)

'द केरला स्टोरी'मुळे अदाचे सगळीकडे कौतुक होत आहे. हा चित्रपट बॉक्स ऑफिसवर चांगली कमाई करत आहे. आता अदाचा पुढचा चित्रपट 'द गेम ऑफ गिरगिट' ची घोषणाही झाली आहे. या चित्रपटामध्ये अदा, श्रेयस तळपदेसोबत दिसणार आहे. हा एक थ्रिलर चित्रपट असून या चित्रपटाची निर्मिती गंधार फिल्म्स अँड स्टुडिओ प्रायव्हेट लिमिटेडने केली आहे. तर चित्रपटाचे दिग्दर्शन विशाल पांड्या करणार आहेत.

'द गेम ऑफ गिरगिट'मध्ये अदाला श्रेयस तळपदेच्या विरुद्ध भूमिका साकारणार आहे. अदा आणि श्रेयसचा आगामी चित्रपट 'द गेम ऑफ गिरगित' हा प्रसिद्ध ब्लू व्हेल गेमवर आधारित आहे, जो काही वर्षपूर्वी खूप चर्चेत होता.

वास्तविक हा गेम खेळणाऱ्या अनेक मुलांनी आत्महत्या केली होती. यामुळे खळबळ उडाली होती. या गेमला व्हेल चॅलेंज असेही म्हणतात, ज्यामध्ये खेळाडूला काही टास्क करावे लागायचे आणि शेवटी खेळाडूला आत्महत्या करावी लागायची.