Nivedita Saraf: एक तास मतदान केंद्रांवर हेलपाटे...; निवडणूक आयोगाच्या भोंगळ नियोजनावर निवेदिता सराफ संतापल्या

Nivedita Saraf: मुंबई महानगरपालिका (BMC) निवडणूक 2026 सध्या जोरात सुरु आहे आणि आज (15 जानेवारी) सकाळपासून मतदानाला सुरुवात झाली आहे. मात्र, मतदान केंद्रांवरील व्यवस्थेविषयी नाराजी व्यक्त करणाऱ्या नागरिकांमध्ये आता मराठी अभिनेत्री निवेदिता सराफ यांचाही समावेश झाला आहे. अभिनेत्री निवेदिता सराफ यांनी निवडणूक आयोगाच्या दुर्बल व भोंगळ नियोजनावर संताप व्यक्त केला आहे.

निवेदिता सराफ यांनी सांगितलं की त्या विलेपार्ले येथील मतदान केंद्रावर मतदानासाठी गेल्या होत्या. मात्र, त्या मतदान यादीत त्यांचे नावच दिसले नाही. कर्मचाऱ्यांनी सांगितले की त्यांना दुसऱ्या केंद्रावर जावं लागेल. पण, तेथे पोहोचण्याआधी सर्व मतदान अधिकारी निघून गेले होते आणि कोणताही स्पष्टीकरण मिळालं नाही. यामुळे त्यांना सुमारे एक तास मतदार केंद्रावर चकरा माराव्या लागल्या, तसेच संपूर्ण प्रक्रियेतील गोंधळामुळे त्यांचा रोष व्यक्त केला.

निवेदिता सराफ म्हणाल्या, “मी मतदानासाठी वेळेवर पोहोचले पण मतदार यादीत माझं नाव नव्हतं; ते दुरुस्त करण्यासाठी सांगितलं तर सर्व कर्मचारी निघून गेले. नाव आहे तर सिरीज नंबरच नाही असा गोंधळ सुरु आहे. त्यांनी मोबाईल आतमध्ये नेण्यास परवानगी न मिळाल्याने व्हिडिओ किंवा फोटोही काढता आला नाही, असे म्हणत निवडणूक आयोगाच्या भोंगळ नियोजनाचा संताप त्यांना व्यक्त केला.

एकंदरीत, या लोकल बॉडी निवडणुकीतील निवडणूक आयोगाचे भोंगळ नियोजनावर प्रश्न उपस्थित करण्यात येत आहेत. निवेदिता सराफ यांच्यासह अनेक नागरिकांनी चुकीच्या नियोजनाबद्दल वेगवेगळ्या माध्यमांद्वारे नाराजी व्यक्त केली आहे.