Ranveer Singh Birthday : लेखक ते 'गल्ली बॉय'; सुपरस्टार रणवीर सिंगचा कसा आहे जीवनप्रवास?, जाणून घ्या...

ऋतुजा कदम, साम टीव्ही

बॉलिवूडमधील सर्वात उत्साही आणि कायमच एनर्जेटिक असणाऱ्या सेलिब्रिटीचा आज वाढदिवस आहे. बॉलिवूडचा बाजीराव अर्थात रणवीर सिंहचा आज ३९ वा वाढदिवस आहे. त्याच्या वाढदिवसानिमित्त सिनेकलाकारांसह नेटकऱ्यांनीही त्याच्यावर शुभेच्छांचा वर्षाव केला आहे.

आज ह्या अतरंगी कलाकाराचा वाढदिवस आहे. त्याचे चित्रपट, अभिनय, त्याने साकारलेल्या विविध भूमिका यामुळे तो कायमच चर्चेत असतो. मात्र, याबरोबरचच त्याची फॅशन, कपडे, स्टाईल यामुळेही तो फॅन्सचे कायम लक्ष वेधून घेत असतो. रणवीरने आज एक अभिनेता म्हणून बॉलिवूडमध्ये आपली एक वेगळी ओळख निर्माण केली आहे. रणवीर सिंहचा जन्म मुंबईत झाला. आज बॉलिवूडमध्ये त्याने संघर्षाने आपलं नाव कमावले आहे.

अमेरिकेमधील इंडियाना युनिव्हर्सिटीमध्ये ॲडमिशन घेतले होते. त्याठिकाणी त्याने अभिनयाचे क्लासेस आणि थिएटरचा अभ्यास सुरु केला. त्याने 2010 मध्ये आदित्य चोप्राच्या 'बँड बाजा बारात' या सिनेमातून पदार्पण केलं. त्यासाठी 'बेस्ट मेल डेब्यु' म्हणून रणवीरला फिल्मफेअर पुरस्कारसुद्धा मिळाला होता. पहिल्याच चित्रपटाने रणवीरला एका रात्रीत प्रसिद्ध केले होते.

रणवीर सिंहचं खरं आडनाव भवनानी असं आहे. बॉलिवूडमध्ये काम करताना अनेकांनी आपली नावे किंवा आडनावे बदलली आहेत. त्याचप्रमाणे रणवीर सिंहनेसुद्धा त्याच्या आडनावात बदल केला आहे. रणवीरच्या 'लुटेरा' आणि 'लेडीज vs रिकी बहल' या सिनेमांनी खास छाप पाडली नाही. पण, राम लीला, दिल धडकने दो, बाजीराव मस्तानी, पद्मावत, सिम्बा आणि गली बॉय यांसारख्या चित्रपटांमध्ये त्याने उल्लेखनीय कामगिरी बजावली. चौकटीबाहेरील पात्र साकारत रणवीरने लोकांच्या मनात वेगळे स्थान निर्माण केले. रणवीर सिंहचे अनेक चित्रपट सुपरहिट ठरले. ज्या चित्रपटांनी बॉक्स ऑफिसवर तुफान कमाई केली.

मीडिया रिपोर्ट्सनुसार रणवीर सिंगची अंदाजे एकूण भारतीय रुपयांप्रमाणे अंदाजे ३३४ कोटी रुपयांच्या जवळपास आहे. त्यासोबतच रणवीर सिंहला महागड्या कारची आव़ड आहे. रणवीर सिंह आणि दीपिका पदुकोण 14 नोव्हेंबर 2018 रोजी विवाहबद्ध झाले. दोघांनी इटलीतील लेक कोमो याठिकाणी लग्न केले. रणवीर आणि दीपिकाने अनेक चित्रपटांमध्ये एकत्र काम केले आहे. रणवीर आणि दीपिका यांच्या लग्नाला आता 6 वर्षे पूर्ण होत आहेत. आणि रणवीर सिंह आता बाबा होणार आहे.

रणवीर सिंहच्या सिनेमांची त्याच्या फॅन्सला कायमच उत्सुकता असते. नव्या वर्षात रणवीरचे अनेक सिनेमे प्रेक्षकांच्या भेटीला येणार आहेत. सिंघम अगेन, डॉन ३, शक्तिमान, सिम्बा २, बॅजू बावरा अशा धमाकेदार सिनेमांमधून तो झळकणार आहे.