Crime: पहिल्या बायकोसोबत जास्त वेळ घालवायचा, दुसरीचा संताप अनावर; नवऱ्याचा झोपेतच घेतला जीव

उत्तर प्रदेशच्या मुजफ्फरनगरमध्ये भयंकर घटना घडली. एका महिलेने आपल्या नवऱ्याची गळा दाबून हत्या केला. या प्रकरणी पोलिसांनी आरोपी महिलेला अटक केली. या महिलेची चौकशी केली असता धक्कादायक कारण समोर आलं. तिचा नवरा पहिल्या बायकोसोबत जास्त वेळ घालवायचा. तो तिच्याकडे लक्ष देत नव्हता. त्यामुळे महिला संतप्त झाली होती. याच रागात तिने नवऱ्याला संपवलं. या घटनेमुळे उत्तर प्रदेशमध्ये खळबळ उडाली आहे.

मिळालेल्या माहितीनुसार, ही घटना मुजफ्फरनगरच्या टांडा मजरा गावामध्ये घडली आहे. या ठिकाणी राहणाऱ्या ४० वर्षीय संजय कुमारने दोन लग्न केली होती. संजयची पहिली बायको दुसऱ्या गावामध्ये राहत होती. तर दुसरी बायको कविता (३० वर्षे) त्याच्यासोबत राहत होती. संजयने २००० मध्ये कवितासोबत लग्न केले होते. कविताने २९ ऑगस्टच्या रात्री नवऱ्याची गळा दाबून हत्या केली. त्यानंतर पोलिसांनी कविताला ताब्यात घेतलं.

या घटनेची माहिती मिळताच पोलिसांनी घटनास्थळी धाव घेतली. पोलिसांनी संजयचा मृतदेह ताब्यात घेऊन शवविच्छेदनासाठी रुग्णालयात पाठवला. आरोपी महिलेला पोलिसांनी ताब्यात घेत चौकशी केली. महिलेने तिचा गुन्हा कबुल केला. महिलेविरोधात पोलिसांनी हत्येचा गुन्हा दाखल करत तिला अटक करण्यात आली. पोलिस सध्या या प्रकरणाचा तपास करत आहेत.

पोलिसांनी कविताची चौकशी केली असता तिने नवऱ्याच्या हत्येची कबुली दिली. तिने पोलिसांना सांगितले की, 'माझा नवरा सतत त्याच्या पहिल्या बायकोलाला महत्व देत होता. माझ्याकडे तो अजिबात लक्ष देत नव्हता. माझा नवरा माझ्याकडे दुर्लक्ष करायचा. तो पहिल्या बायकोला जास्त वेळ द्यायचा. याचाच राग आल्यामुळे त्याची हत्या केली.' या घटनेमुळे उत्तर प्रदेशमध्ये खळबळ उडाली आहे. हे प्रकरण सध्या चर्चेचा विषय ठरले आहे.