उत्तरप्रदेशातील बलिया जिल्ह्यात एक खळबळजनक दुहेरी हत्याकांडाची घटना समोर आली आहे. नगरा पोलीस ठाण्याच्या हद्दीतील बछईपुर गावात एका तरुणाने आपली पत्नी आणि सासूची गळा चिरून हत्या केली. एवढेच नाही तर आरोपीने आपल्या सासऱ्यावर आणि तीन वर्षांच्या चिमुकल्या मुलावरही जीवघेणा हल्ला करून त्यांना गंभीर जखमी केले आहे. जखमी सासऱ्याला उपचारासाठी वाराणसीला हलवण्यात आले आहे.
नगरा भागातील अंतू गुप्ता (५५ वर्ष) यांनी आपली मुलगी प्रीती (२२ वर्ष) हिचा विवाह काही वर्षांपूर्वी गढवार भागातील अमित गुप्ता याच्याशी केला होता. मात्र, सासरी वाद होत असल्याने प्रीती गेल्या काही महिन्यांपासून आपल्या तीन वर्षांच्या मुलासह माहेरी राहत होती.
आरोपी अमित शेजाऱ्याच्या भिंतीचा आधार घेत छतावरून रात्रीच्या वेळी घरात शिरला. त्याने पत्नी प्रीती, सासू सुशीला (५० वर्ष), सासरे अंतू आणि स्वतःचा मुलगा अवि यांच्यावर चाकूने सपासप वार केले. पहाटे ३ च्या सुमारास सर्वांना जिल्हा रुग्णालयात नेण्यात आले. मात्र डॉक्टरांनी प्रीती आणि सुशीला यांना मृत घोषित केले.
सध्या पोलीस आरोपीचा शोध घेत असून घटनास्थळी स्वाट (SWAT), सर्व्हिलन्स टीम आणि फॉरेन्सिक युनिट दाखल झाले आहेत. प्राथमिक तपासात पत्नीसोबत असलेल्या वादातून हे हत्याकांड घडल्याचे स्पष्ट झाले आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.