Ulhasnagar Crime: ज्वेलर्समध्ये चोरी, अंगठीची अदलाबदली; नकली अंगठी  ठेवून सोन्याची खरी अंगठी पळवली

अजय दुधाणे/साम टीव्ही न्यूज

उल्हासनगरमध्ये चोरीची घटना घडल्याची बातमी समोर आली आहे. उल्हासनगरच्या पंजाबी कॉलनी आझाद नगर रस्त्यावर एक ज्वेलर्सचं दुकान आहे. त्या दुकानाचे नाव पौर्णिमा ज्वेलर्स असे असून मालकाचे नाव गणेश खडके आहे. या दुकानात सायंकाळच्या वेळी सुमारे ७.३० च्या दरम्यान एक माणूस त्याच्या मुलीला घेऊन त्या दुकानात जातो. बायकोसाठी सोन्याची अंगठी दाखवण्यास त्याने गणेश खडके यांना सांगितले.

दरम्यान, सायंकाळी साडेसात वाजता एक व्यक्ती आपल्या लहान मुलीसोबत दुकानात खरेदीसाठी आला. त्याने गणेश खडके यांना सांगितले की, त्याला आपल्या पत्नीसाठी सोन्याची अंगठी पाहायची आहे. गणेश खडके यांनी त्यांच्या शोकेसमधून सोन्याच्या अंगठ्यांचा ट्रे ग्राहकाच्या समोर ठेवला आणि मागे वळले.

त्यानंतर, चोरट्याने संधी साधून आपल्या खिशातून खोटी सोन्याची अंगठी काढली आणि ती ट्रेमध्ये ठेवली. त्यानंतर त्याने ट्रेमधून खरी अंगठी चोरी करून घेतली. हा संपूर्ण प्रकार दुकानातील सीसीटीव्ही कॅमेऱ्यात कैद झाला आहे. चोरी केलेली अंगठी अडीच ग्रॅम वजनाची असून, तिची किंमत जवळपास १८ हजार रुपये आहे.

गणेश खडके यांनी लगेचच पोलिसांना माहिती दिली आणि या प्रकरणी गुन्हा दाखल करण्यात आला. पोलिसांनी चोरट्याचा शोध सुरू केला असून, सीसीटीव्ही फुटेजच्या आधारे त्याची ओळख पटविण्याचा प्रयत्न केला जात आहे. अशी चोऱ्याची घटना उघडकीस येत असताना, दुकानदारांनी अधिक सुरक्षा उपाय आणि सतर्कतेने आपल्या व्यवसायाचे रक्षण करणे गरजेचे आहे. पोलिसांनी लवकरच चोरट्याला पकडण्याचे आश्वासन दिले आहे.