Solapur Crime News: MIDC परिसरातून ड्रग्सची तस्करी, तो पैसे पुरवायचा, पोलिसांनी अशी केली अटक?

Solapur Crime News:

एमडी ड्रग्स प्रकरणी पोलिसांकडून ठिकठिकाणी छापेमारी सुरू आहे. मुंबई, नाशिक आणि सोलापूर ग्रामीण पोलीस अंमली पदार्थांची तस्करी करणाऱ्या रॅकेटची पाळेमुळे शोधून काढत आहे. या प्रकरणी शनिवारी आणखी एका आरोपीला सोलापूर पोलिसांनी अटक केली आहे.  ('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

आतापर्यंत यामध्ये सोलापूर ग्रामीण पोलीस दलाकडून 5, मुंबई पोलीस दलाकडून 2 आणि नाशिक पोलिसांकडून 1 असे एकूण 8 आरोपीना पोलिसांनी ताब्यात घेतलं आहे.

तसेच आणखी आरोपी वाढण्याची माहिती सूत्रांकडून मिळाली आहे. रामा गौडा चंद्रय्या गौडा इडगी असं अटक करण्यात आलेल्या आरोपीचे नाव आहे. तेलंगणा राज्यातील जहिराबादमधून गौडाला सोलापूर ग्रामीण पोलिसांनी अटक केलीये.

सोलापूरच्या चिंचोळी एमआयडीसी आणि चंद्रामौळी एमआयडीसी परिसरातून आत्तापर्यंत कोट्यावधी रुपयांचे एमडी ड्रग्स आणि कच्चा माल पोलिसांनी जप्त केला आहे. अटक करण्यात आलेला आरोपी गौडा हा सर्व प्रकरणामध्ये पैसे पुरवत होता. अशी माहिती सूत्रांकडून मिळालीये.

गौडाकडून या प्रकरणी अधिक माहिती मिळेल तसेच आणखी चार ते पाच जण हाती येण्याची शक्यता पोलिसांनी वर्तवलीये. रामा गौडाला 27 नोव्हेंबरपर्यंत पोलीस कोठडी सुनावण्यात आलीये.