Kalyan Crime: कल्याणमधील धक्कादायक घटना; क्षुल्लक वादातून मारहाण, एका इसमाचा मृत्यू

(अभिजित देशमुख)

Kalyan Crime News:

कल्याण पूर्व नेतीवली गणेश नगर परिसरात किरोकोळ वादातून एका तरुणाला ३ ते ४ जणांनी लाकडी फळीने बेदम मारहाण केली. या मारहाणीत या तरुणाचा मृत्यू झाल्याची घटना आज दुपारच्या सुमारास घडली. सूरज सोमा ईलम असे मयत तरुणाचे नाव आहे. घटनेची माहिती मिळताच कोळशेवाडी पोलिसांनी घटनास्थळी धाव घेत सुरज याचा मृतदेह ताब्यात घेत पोस्टमार्टमसाठी पाठवला आहे. कोळशेवाडी पोलिसांनी याप्रकरणी हत्येचाचा गुन्हा दाखल करत हल्लेखोरांचा शोध सुरू केलाय.(Latest News)

कल्याण पूर्वेकडील नेतीवली येथील गणेश नगर परिसरात सुरज सोमा इलम हा तरुण राहत होता. आज दुपारच्या सुमारास सुरज याचा काही तरुणांसोबत याच परिसरात वाद झाला. २ते ३ तरुणांनी सुरज याला लाकडी फळीने मारहाण केली. त्यानंतर मारहाण करणारे तरुण तिथून पसार झाले. या तरुणांनी केलेल्या मारहाणीत सुरजचा मृत्यू झाला.

या घटनेची माहिती मिळताच कोळशेवाडी पोलीस घटनास्थळी दाखल झाले सुरजचा मृतदेह ताब्यात घेत पोस्टमार्टमसाठी पाठवण्यात आलाय. याप्रकरणी कोळशेवाडी पोलिसांनी हत्येचा गुन्हा दाखल करत हल्लेखोरांचा शोध सुरू केलाय. या तरुणांमध्ये काय वाद होता, हल्ला कोणत्या कारणावरून झाला याचा शोध देखील पोलीस घेत आहेत.

पिस्तूल बाळगणारा गुन्हेगार गजाआड

बेकायदेशीरित्या विनापरवाना विदेशी बनावटीचे पिस्तूल बाळगणाऱ्या एका सराईत गुन्हेगाराला मानपाडा पोलिसांनी बेड्या ठोकल्या आहेत. राम उर्फ शिवा कनोजिया असे या आरोपीचे नाव आहे. त्याच्याकडून विदेशी बनावटीचे पिस्तूल, जिवंत काडतूस जप्त करण्यात आले. लोकसभा निवडणुकीच्या पार्श्वभूमीवर कल्याण डोंबिवली पोलीस सर्तक झाले आहेत. मानपाडा पोलिसांना डोंबिवली पूर्वेकडील टाटानगर परिसरात एक इसम बेकायदेशीररित्या विनापरवाना पिस्तूल बाळगून फिरत असल्याची माहिती मिळाली होती.