Thief Video: चोरीसाठी एक्झॉस्ट फॅनच्या होलमध्ये घुसला, नंतर जीव वाचवण्यासाठी चोराच्याच विनवण्या; व्हिडिओ व्हायरल

कोटा येथील घरातून चोरी करण्यासाठी गेलेल्या एका चोराला चांगलेच महागात पडले.चोरी करण्यासाठी घरात शिरण्याचा प्रयत्न करू लागला पण तो तेथेच अडकून पडला. त्याच कारण ठरलं तो घरात एका एक्झॉस्ट फॅनच्या होलमधून घरात शिरण्याचा प्रयत्न करत होता. त्या होलमध्येच अडकल्यानंतर तोच घरातील लोकांना आवाज देत स्वत:चा जीव वाचवण्यासाठी विनवण्या करू लागला.

"अस्मान से गिरे और खजूर पे लटके" ही म्हण तुम्ही कदाचित ऐकली असेल. राजस्थानच्या कोटा येथील घटनेमुळे ही म्हण अनेकांच्या तोंडी परत आली. घरात कोणी नसल्याचा फायदा घेत घरात हात साफ करण्याच्या उद्देशाने एक्झॉस्ट फॅनच्या होलमधून घरात घुसऱ्याला चोराला देव आठवला. एग्जॉस्ट फॅनच्या होलमध्येच अडकल्यानं त्याचा चोरीचा प्लॅन फसला. त्याला बाहेरही पडता येत नव्हतं ना घरात जाता येत होतं. शेवटी त्या घरातील लोकांना पोलिसांना बोलवून त्यांनी त्याला त्या होलमधून बाहेर काढला.

कोटा येथील रहिवासी सुभाष कुमार रावत म्हणाले की, ते आणि त्यांची पत्नी ३ जानेवारी रोजी खाटू श्याम मंदिराच्या दर्शनासाठी गेले होते. ते ४ जानेवारीच्या रात्री घरी परतले. त्यावेळी दोन चोर त्यांच्या घरात शिरत होते. त्यातील एक जण हा एक्झॉस्ट फॅनच्या होलमध्ये घुसला होता, तर दुसरा खाली उभा होता. सुभाष कुमार हे जेव्हा त्यांची बाईक घराच्या अंगणात पार्क करत होते त्यावेळी बाईकच्या उजेडात त्यांना दोन जण दिसले.

त्यांनी चोर चोर असा आरडाओरडा केला. त्यावेळी एकजण पळून गेला. पण दुसरा जो एक्झॉस्ट फॅनच्या होलमध्ये शिरला होता तो त्यात अडकला. आरडा-ओरडा ऐकून शेजारी जागे झाले आणि घरात घुसले आणि चोराला रंगेहात पकडले. स्थानिकांचे म्हणणे आहे की या परिसरात दररोज संशयास्पद व्यक्ती फिरताना दिसतात. या प्रकरणी बोरखेडा पोलीस ठाण्यात तक्रार दाखल करण्यात आली आहे, पोलिसांनी गुन्हा दाखल करून तपास सुरू केलाय.

पोलिसांच्या या निष्काळजीपणाबद्दल स्थानिक रहिवाशांनीही नाराजी व्यक्त केली आहे. ते म्हणतात की त्यांनी वारंवार पोलिसांना परिसरात गस्त घालण्याचे आवाहन केले आहे, परंतु तरीही पोलिसांची वाहने येत नाहीत.