Shocking : नवऱ्यापासून घटस्फोट घेतला, मावशीच्या मुलासोबत रिलेशनमध्ये आली; बॉयफ्रेंडने असं काही केलं की महिला हादरून गेली

राजस्थानातील जोधपूर येथे एक धक्कादायक घटना समोर आली आहे. खांडा फलसा पोलीस ठाणे हद्दीत एका महिलेने आपल्या चुलत भावाविरुद्ध जबरदस्तीने शारीरिक संबंध ठेवण्याचा आणि मानसिक छळ केल्याचा गंभीर आरोप करत तक्रार दाखल केली आहे. या प्रकरणामुळे परिसरात एकच खळबळ उडाली आहे.

पीडित महिलेने पोलिसांना दिलेल्या माहितीनुसार, ती आपल्या पतीपासून वेगळी राहत असून मागील सुमारे दोन वर्षांपासून जोधपूरमध्ये भाड्याच्या घरात आपल्या चुलत भावासोबत लिव-इन रिलेशनशिपमध्ये राहत होती. दरम्यान, आरोपी देखील आपल्या पत्नीसोबत राहत नसल्याचे समोर आले आहे.

महिलेचा आरोप आहे की, एकत्र राहत असताना आरोपीने तिच्यावर अनेक वेळा जबरदस्ती केली आणि तिला सतत मानसिक त्रास दिला. या प्रकारामुळे ती तणावाखाली होती. अखेर त्रास असह्य झाल्यानंतर तिने पोलिसांकडे धाव घेत तक्रार नोंदवली. तक्रार करताच पोलिसांनी तातडीने गुन्हा दाखल केला असून पीडितेची वैद्यकीय तपासणी करण्यात आली आहे.

पोलीस अधिकाऱ्यांनी दिलेल्या माहितीनुसार, या प्रकरणाची गांभीर्याने चौकशी सुरू असून दोन्ही बाजूंची सविस्तर जबाब नोंदवली जाणार आहे. सध्या पोलिसांकडून आरोपीची भूमिका, तसेच महिलेने केलेल्या आरोपांची सत्यता तपासली जात आहे. तपासानंतर पुढील कायदेशीर कारवाई केली जाईल, असेही अधिकाऱ्यांनी स्पष्ट केले आहे. या घटनेमुळे लिव-इन रिलेशनशिपमधील सुरक्षिततेचा प्रश्न पुन्हा एकदा चर्चेत आला असून महिलांनी अशा परिस्थितीत कायदेशीर मदत घेणे किती महत्त्वाचे आहे, यावरही भर दिला जात आहे.