Crime: अनैतिक संबंधासाठी बायकोचं हादरवणारं कृत्य, बॉयफ्रेंडची मदत घेतली, नवऱ्यासोबत केलं असं काही की...

Summary -

• राजस्थानमध्ये एका तरुणाची निर्णृण हत्या करण्यात आली

• बायकोने बॉयफ्रेंडच्या मदतीने नवऱ्याची गळा चिरून हत्या केली

• या प्रकरणी पोलिसांनी तिघांना अटक केली

• या हत्याकांडामुळे राजस्थानमध्ये खळबळ उडाली

राजस्थानमध्ये हत्याकांडाची भयंकर घटना घडली. बायकोने बॉयफ्रेडच्या मदतीने नवऱ्याला संपवले. गळा चिरून नवऱ्याची हत्या करण्यात आली. या घटनेमुळे राजस्थान हादरले आहे. भररस्त्यात धारधार शस्त्राने वार करत आणि गळा चिरून तरुणाची हत्या करण्यात आली होती. ही घटना बोरवाड रोडवर २९ नोव्हेंबर २०२५ रोडी घडली होती. या घटनेप्रकरणी पोलिसांनी तिघांना अटक केली.

मिळालेल्या माहितीनुसार, २९ नोव्हेंबरला हत्याकांडाची ही घटना घडली होती. पोलिसांना रस्त्याच्या कडेला एका तरुणाचा गळा चिरलेल्या अवस्थेतील मृतदेह आढळून आला होता. या तरुणाच्या पाठीवर आणि संपूर्ण शरीरावर धारधार शस्त्राने वार करण्यात आले होते. सुरूवातीला या तरुणाच्या रस्ते अपघातामध्ये मृत्यू झाल्याचा अंदाज पोलिसांनी वर्तवला होता. पण शवविच्छेदन अहवालातून या तरुणाची हत्या झाल्याचे कळाले. पोलिस तपासातून या तरुणाची हत्या त्याच्याच बायकोने केल्याची माहिती समोर आली.

पोलिस तपासात समोर आले की, तरुणाच्या बायकोनेच प्रियकराच्या मदतीने त्याचा काटा काढला. सात दिवसांत पोलिसांनी या प्रकरणी तरुणाची बायको, तिचा बॉयफ्रेंड आणि आणखी एकाला अटक केली. हत्या झालेला व्यक्तीचे नाव सुरेंद्र दादरवाल(२४ वर्षे) होते. तो शिक्षक होता. त्याचे लग्न २०१८ मध्ये रेखासोबत (२१ वर्षे) झाले होते. लग्नानंतर त्याची बायको रेखामध्ये बरेच बदल झाले. ती पुढील शिक्षणासाठी नागपूरला गेली त्याठिकाणी त्याचे एका तरुणासोबत प्रेमसंबंध जुळले. रेखाने प्रेमसंबंधातून नवऱ्या सुरेशची हत्या केली.

आरोपींनी चोरीची दुचाकी हत्याकांडात वापरली. २९ नोव्हेंबरला रेखाने तिच्या बॉयफ्रेंडला नवरा घरातून निघाला असून तो बोरवाडला जात असल्याचे सांगितले. दोन्ही आरोपींनी सुरेशचा पाठलाग करत सुरेंद्रला रस्त्यात थांबवले. त्यांनी आधी सुरेंद्रची गाडी अडवून त्याला हेल्मेट काढायला सांगितले. त्यानंतर आरोपींनी चाकूने सुरेंद्रवर सपासप वार केले. या हल्ल्यात गंभीर जखमी झालेल्या सुरेंद्रचा जागीच मृत्यू झाला. सुरेंद्रची हत्या झाल्याचे समोर येताच सर्वांना मोठा धक्का बसला. पोलिसांनी तिन्ही आरोपींना अटक केली.