Yerwada Jail News: धक्कादायक! येरवडा कारागृहातील कैद्यांचा पोलीस हवालदारावर हल्ला, मनगट फ्रॅक्चर

Pune Crime News: कैद्यांनी पोलीस हवालदारास मारहाण केल्याचा धक्कादायक प्रकार उघडकीस आला आहे. नानासाहेब मारणे असे या पोलीस हवालदाराचे नाव आहे. याप्रकरणी चार कैद्यांविरोधात गुन्हा नोंद करण्यात आला आहे.
Yerwada Jail News
Yerwada Jail NewsSaamtv

सागर आव्हाड, पुणे|ता. ११ मे २०२४

पुण्यातील येरवडा कारागृहात कैद्यांनी पोलीस हवालदारास मारहाण केल्याचा धक्कादायक प्रकार उघडकीस आला आहे. नानासाहेब मारणे असे या पोलीस हवालदाराचे नाव आहे. याप्रकरणी येरवडा पोलीस ठाण्यात तक्रार दाखल करण्यात आली आहे.

याबाबत सविस्तर माहिती अशी की, येरवडा कारागृहात कैद्यांकडून पोलीस हवालदाराला त्याच्याच काठीने बेदम मारहाण केल्याचा धक्कादायक प्रकार उघडकीस आला आहे. नानासाहेब मारणे असे या हवालदाराचे नाव असून या मारहाणीत त्यांच्या मनगटाचे हाड मोडले. याप्रकरणी चार कैद्यांविरोधात गुन्हा नोंद करण्यात आला आहे.

येरवडा कारागृहातील सी.जे. विभागात दगडी भिंत पाडून नवीन बांधकाम चालू करण्यात आले आहे. सकाळी नानासाहेब मारणे हे गस्तीवर असताना त्यांनी भिंतीचा दगड लागल्यास इजा होईल, असे कैद्यांना सांगितले. यावरुनच झालेल्या वादानंतर कैद्यांनी मारणे यांच्या हातातील काठी हिसकावून घेत त्यांना लाथाबुक्क्यांनी डोक्यात, हातावर मारहाण केली.

Yerwada Jail News
Pune Loksabha: पुण्याचा गड राखण्यासाठी भाजपचे दिग्गज मैदानात! देवेंद्र फडणवीसांनी ठोकला तळ; मध्यरात्री मोठी खलबतं

या मारहाणीत मारणे यांना गंभीर इजा झाली असून त्यांच्या मनगटाचे हाड मोडले आहे. या धक्कादायक प्रकारनंतर मारणे यांनी दिलेल्या तक्रारीनंतर अपूर्व खंडागळे, सूरज अडागळे, आनंद उपाख्य सोनू धड आणि नीरज ढवळे या कैद्यांविरोधात गुन्हा दाखल करण्यात आला आहे. पोलीस या प्रकरणाचा अधिक तपास करत आहेत.

Yerwada Jail News
MPSC Result: कृषी सेवा परीक्षेचा निकाल जाहीर; महिला प्रवर्गातून कोल्हापूरची सायली आली पहिली

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News Saam TV
saamtv.esakal.com