घरामध्ये अवैधपणे गुटख्याची साठवणूक करून ठेवणाऱ्या किराणा माल विक्री करणा-या दुकानदारास धुळे पोलिसांनी ताब्यात घेतले. त्याकडून जवळपास 2 लाख 9 हजार रुपयांचा गुटखा पोलिसांनी जप्त केला. स्थानिक गुन्हे अन्वेषण विभागाच्या पथकाने (dhule local crime branch) ही कारवाई केली आहे. (Maharashtra News)
धुळे शहरातील साक्री रोड परिसरामध्ये एका दुकान मालकाकडे घरामध्ये अवैधपणे गुटख्याची चोरटी विक्री करण्याच्या उद्देशाने गुटखा साठवणूक करून ठेवल्याची खात्रीशीर सूत्रांकडून पोलिसांना माहिती मिळाली होती. त्याबाबत निनावी तक्रारी देखील हाेत्या.
या माहितीच्या आधारे स्थानिक गुन्हे अन्वेषण विभागाच्या पथकाने संबंधित ठिकाणी पथकासह छापा टाकला. संबंधिताच्या घरामध्ये मोठ्या प्रमाणात गुटख्याचा साठा पोलिसांना आढळून आला आहे. पोलिसांनी हा संपूर्ण गुटख्याच्या साठ्यासह संबंधित दुकान मालकास ताब्यात घेत कारवाई केली आहे.
Edited By : Siddharth Latkar
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.