Prahar Sanghatana News : प्रहार संघटनेच्या जिल्हाप्रमुखासह सात जणांवर खंडणीचा गुन्हा दाखल

Buldhana News :

बुलढाणा जिल्ह्यातील प्रहार संघटनेचे जिल्हाप्रमुख वैभवराजे मोहितेसह (prahar sanghatana vaibhavraje mohite) सात जणांवर खंडणीसह विविध कलमान्वय गुन्हा नाेंदविण्यात आला आहे. पाेलिसांकडून मिळालेल्या माहितीनूसार बुलढाणा जिल्ह्यातील धाड येथील अमर दूध डेअरीचे मालकास छत्रपती शिवाजी महाराज यांचे पुतळ्याचे सुशोभीकरणासाठी वैभवराजे मोहितेसह सात जणांनी 11 लाखाची खंडणी मागितल्याचे तक्रारदाराने म्हटले आहे.  (Maharashtra News)

बुलढाणा जिल्ह्यातील धाड येथील अमर दूध डेअरीचे मालकास छत्रपती शिवाजी महाराज यांचे पुतळ्याचे सुशोभीकरण करायचे आहे म्हणून 11 लाखांची खंडणी मागण्यात आली होती. हे पैसे मालकाने देण्यास नकार दिला असता प्रहार संघटनाचे जिल्हाप्रमुख वैभवराजे मोहिते आणि सहकाऱ्यांनी डेअरीमध्ये जाऊन आणि बोदवड येथे डेअरी मालक यांचे घरी जाऊन धिंगाणा घातला. त्याशिवाय दुधाचे टँकर अडवून दूध रस्त्यावर सोडून देण्याची धमकी दिली.

यामुळे जिल्हाप्रमुख वैभवराजे मोहिते यांच्या जाचाला कंटाळून डेअरी मालकाने धाड परिसरातील दूध संकलन बंद करण्याचा निर्णय घेतला. त्यावर आपले नुकसान होणार असल्याने याविरोधात शेकडो शेतकरी रस्त्यावर उतरले.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

या शेतक-यांनी जिल्हाधिकाऱ्यांकडे खंडणीखोरांवर कारवाईची मागणी केली. जिल्हाधिकाऱ्यांनी सुद्धा तत्काळ दखल घेत कारवाईचे आदेश दिले. दरम्यान पाेलिसांनी प्रहार संघटनेचे जिल्हाप्रमुख वैभवराजे मोहितेसह सात जणांवर खंडणीसह विविध कलमान्वय गुन्हा दाखल केला आहे.

Edited By : Siddharth Latkar