Nanded Crime: आमच्याकडे का बघतो म्हणत मारहाण; टोळक्याकडून तरुणाची हत्या; घटनेने नांदेड हादरलं

संजय सुर्यवंशी, नांदेड| ता. २९ डिसेंबर २०२३

Nanded Crime News:

नांदेड शहरातून एक धक्कादायक घटना समोर आली आहे. क्षुल्लक कारणावरून तरुणाला लाथा बुक्क्यांनी मारहाण करत हत्या केल्याची घटना शहरातील शिवाजीनगर पोलीस ठाण्याच्या हद्दीत घडली. या भयंकर घटनेने परिसरात एकच खळबळ उडाली आहे. पोलीस या प्रकरणाचा अधिक तपास करत आहेत. (Crime News in Marathi)

याबाबत सविस्तर माहिती अशी की, क्षुल्लक कारणावरून युवकाचा खुन केल्याची घटना नांदेडच्या (Nanded) शिवाजीनगर पोलीस ठाण्याच्या हद्दीत ही घटना घडली. तू माझ्याकडे का बघतोस? म्हणत 7 ते 8 जणांनी लाथा-बुक्क्या मारून युवकाची हत्या केली. व्यंकटेश वल्लमवार असे या हत्या झालेल्या तरुणाचे नाव आहे.

शहरातील वसंतराव नाईक चौकातील नागार्जुन हॉटेल समोर व्यंकटेश वल्लमवार या युवकाची पानटपरी आहे. ती बंद करून व्यंकटेश हा पाणी पिण्यासाठी हॉटेलात गेला. त्यावेळी दारू पित बसलेल्या युवकांनी तु आमच्याकडे का बघतोस? असे म्हणत ७ ते ८ तरुणांनी व्यंकटेशला लाथा-बुक्क्या मारहाण करायला सुरुवात केली.

या बेदम मारहाणीत व्यंकटेशचा जागीच मृत्यू झाला. घटनेची माहिती मिळताच पोलिसांनी धाव घेत मृतदेह ताब्यात घेतला. या भयंकर घटनेने परिसरात एकच खळबळ उडाली आहे. पोलिसांकडून सध्या आरोपींचा शोध सुरू आहे. (Latest Marathi News)

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)