Social Media : आक्षेपार्ह पाेस्ट प्रकरणी मानवतमध्ये एकावर गुन्हा दाखल

Parbhani Crime News :

समाज माध्यमातून (social media) आक्षेपार्ह पाेस्ट टाकल्याने परभणी (parbhani) जिल्ह्यात आज (गुरुवार) एकावर गुन्हा दाखल करण्यात आला आहे. आक्षेपार्ह पाेस्टची तपासणी केल्यानंतर मानवत पोलिस ठाण्यात गुन्हा दाखल झाल्याची माहिती परभणी जिल्हा पाेलिस दलाने दिली. दरम्यान नागरिकांनी अफवांवर विश्वास ठेवू नये असे आवाहन पाेलिस दलाने केले आहे. (Maharashtra News)

परभणी जिल्ह्यात समाज माध्यमात गेल्या काही दिवसांपासून धार्मिक भावना दुखविण्याच्या हेतुने पाेस्ट येत हाेत्या. याबाबत स्वप्निल गुंडू यांनी पाेलिसांत तक्रार दिली हाेती. त्यानूसार पाेलिसांनी तपास केला.

पाेलिसांनी समाज माध्यम वापरकर्त्यांचे पाेस्ट तपासल्या. त्यानंतर संबंधितावर गुन्हा दाखल केला. संबंधितावर कडक कायदेशिर कारवाई करावी अशी मागणी मानवत पाेलिसांना तक्रारदाराने केली आहे.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

दरम्यान परभणी जिल्ह्यात कुठलीही अनुचित घटना घडू नये, शांतता, सुव्यवस्था कायम रहावी यासाठी नागरिकांनी काेणत्याही अफवांवर विश्वास ठेवू नये असे आवाहन पाेलिस दलाने केले आहे.

Edited By : Siddharth Latkar