Rajasthan Crime : बायकोच्या चारित्र्यावर संशय; नवरा स्टेशनमध्ये असं काही घेऊन गेला, पोलीस कर्मचारीही चक्रावले

राजस्थान : राजस्थानच्या हनुमानगड जंक्शनमध्ये धक्कादायक घटना घडली आहे. हनुमानगड जंक्शन परिसरातील एका व्यक्तीने रविवारी झोपेत असलेल्या स्वत:च्या पत्नीची वार करून हत्या केल्याची घटना घडली आहे. पत्नीची हत्या केल्यानंतर तिचं कापलेलं मुंडकं घेऊन पोलीस ठाण्यात पोहोचला. पतीने पत्नीच्या चारित्र्याच्या संशयातून तिची हत्या केल्याची माहिती मिळत आहे.

मिळालेल्या माहितीनुसार, पती हा पत्नीचं कापलेलं मुंडकं घेऊन पोलीस ठाण्यात पोहोचला. त्यानंतर पोलीस कर्मचारीही चक्रावले. त्यानंतर पोलिसांनी तातडीने घटनास्थळ गाठलं. पोलिसांनी घरांच्या अंगणातून ३० वर्षीय एकताचं मृतदेह ताब्यात घेतला. नवऱ्याने तिच्या गळ्यावर धारधार शस्त्राने वार केला होता. महिलेच्या हत्येप्रकरणी पोलिसांनी आरोपी रमेशला अटक केली आहे. पोलिसांनी पुढील कारवाईसाठी महिलेचा मृतदेह शवविच्छेदनासाठी जवळील सिव्हिल रुग्णालयात पाठवला आहे.

पोलिसांनी सांगितले की, या हत्येनंतर एकताचे वडील मोहनलाल सोनी यांनी पोलिसांत तक्रार नोंदवली. या तक्रारीनुसार, पोलिसांनी हत्येचा गुन्हा नोंदवला आहे. आरोपी रमेश मूळचा अनूपगढ जिल्ह्यातील आहे. नवी मंडी घडसाना पोलीस स्टेशनच्या हद्दीत ही घटना घडली आहे. या पोलीस स्टेशनच्या हद्दीतील हनुमानगड जंक्शनच्याा वार्ड नंबर ५६ या भागात रमेश हा पत्नी आणि मुलांसोबत राहत होता. त्याने रविवारी उशिरा पत्नीची हत्या केली.

मिळालेल्या माहितीनुसार, रमेश सोमवारी सकाळी पाच वाजण्याच्या सुमारास पोलीस ठाण्याला पोहोचला. त्याने पोलीस ठाण्यात पोहोचल्यानंतर पत्नीची हत्या केल्याचं सांगितलं. त्यानंतर पोलीसही घटनास्थळी पोहोचले.

कोपरगावात अनैतिक संबंधाच्या संशयावरून तरुणाची हत्या

अहमदनगरच्या कोपरगावात अनैतिक संबंधाच्या संशयावरून तरुणाची हत्या करण्यात आल्याची घटना घडली आहे. पोलिसांनी प्रकरणी सहा आरोपींवर गुन्हा नोंदवला आहे. पोलिसांनी तीन आरोपींना ताब्यात घेतलं आहे. तर तिघेजण फरार आहेत.

अनैतिक संबंधातच्या संशयावरून सोहेल हारून पटेल या 28 वर्षीय तरुणाची निर्घृण हत्या झाली आहे. अहमदनगर जिल्ह्यातील कोपरगाव शहरात रविवारी रात्री आठ वाजण्याच्या सुमारास सोहेल याचे अपहरण करण्यात आलं. त्यानंतर त्याला बेदम मारहाण करण्यात आली. या बेदम मारहाणीनंतर उपचारादरम्यान सोहेल याचा मृत्यू झाला आहे.