- सुशील थाेरात
अश्लील व्हिडिओ क्लिप व्हायरल करण्याची धमकी देऊन एका माजी आमदाराला ब्लॅकमेल करून एक कोटी रुपयांची खंडणी मागितल्याचा धक्कादायक प्रकार नगर जिल्ह्यात समोर आला आहे. या प्रकरणी पाेलिसांनी तिघांवर गुन्हा दाखल केला आहे. यामध्ये दाेन महिलांचा समावेश आहे अशी माहिती पाेलिस निरीक्षक प्रताप दराडे यांनी दिली.
बीड जिल्ह्यातील एका माजी आमदाराला तिघांनी खंडणी मागत पैसे दिले नाही तर तुमचे राजकीय जीवन उद्ध्वस्त करू अशी धमकी दिली. संबंधित महिलांशी तडजोड करून देण्याची ऑफर देत खंडणीच्या रकमेपैकी २५ हजार रुपये अहमदनगरमधील एकाने स्वीकारल्याचे माजी आमदाराने फिर्यादीत म्हटले आहे.
दरम्यान या प्रकरणा निमित्त अहमदनगरमध्ये समाज माध्यमातून चालविणा-या न्यूज चॅनेल्सच्या एका पत्रकाराचे कारनामे बाहेर आले आहेत. काही जणांकडून अनधिकृत न्यूज चॅनेलच्या माध्यमातून ब्लॅकमेल करण्याचे प्रकार वाढले आहेत. यामध्ये काही नागरिक फसले आहेत. केवळ बदनामीच्या भीतीने कुणी तक्रार देण्यास तयार होत नाहीत. प्रशासनाने अशा बोगस पत्रकारांवर कठोर कारवाई करणे गरजेचे बनल्याची चर्चा शहरात सुरु आहे.
Edited By : Siddharth Latkar
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
