Share Market Scam : क्लासेस घेऊन विश्वास संपादन, नंतर १० टक्के परताव्याचं आमिष; गुंतवणुकीच्या नावाखाली तब्बल सव्वा कोटींची फसवणूक

अभिजीत देशमुख, साम टीव्ही

डोंबिवलीत शेअर मार्केटमध्ये गुंतवणुकीच्या नावाखाली कोट्यवधीचा गंडा घातल्याचा प्रकार उघडकीस आला आहे. 'ग्रोथअप इंडिया' आणि 'अर्थयुक्ती कन्सल्टिंग'कडून कोट्यवधींची फसवणूक केली आहे. या प्रकरणी डोंबिवली पोलीस ठाण्यात गुन्हा नोंदवण्यात आला आहे.

दुप्पट तिप्पट दहापट परताव्याचे आम्हीच दाखवून गुंतवणूकदारांची कोठे आणि त्यांचे फसवणूक झाल्याच्या घटना याआधी देखील उजेडात आल्या आहेत. टोरेस घोटाळा ताजा असतानाच डोंबिवलीत शेअर मार्केटमध्ये गुंतवणुकीच्या नावाखाली कोट्यवधीची फसवणूक केल्याचा प्रकार उघडकीस आला आहे.

'शेअर मार्केट'मध्ये मोठा परतावा देतो म्हणत 'ग्रोथअप इंडिया' आणि 'अर्थयुक्ती कन्सल्टिंग'च्या नावाखाली तब्बल 1 कोटी 23 लाख रुपयांची फसवणूक करण्यात आली आहे. याप्रकरणी डोंबिवली पोलीस ठाण्यात तक्रार दाखल करण्यात आली आहे. पोलिसांनी फसवणूक करणाऱ्या तिघांना अटक केली आहे. अनिकेत मुजुमदार, संदेश जोशी आणि संकेत जोशी अशी तिघांची नावे आहेत.

डोंबिवली पूर्वेकडील स्टेशन परिसरात ग्रोथअप इंडिया' आणि 'अर्थयुक्ती कन्सल्टिंग' या क्लासेसच्या माध्यमातून आधी विद्यार्थ्यांना शेअर मार्केटमध्ये गुंतवणूक करण्याचे क्लासेस घेतले जायचे. त्यानंतर त्यांचे आणि त्यांच्या कुटुंबाचे विश्वास संपादन करून त्यांना शेअर मार्केटमध्ये गुंतवणुकीवर दरमहा 10 टक्के परतावा देण्याचे आमिष दाखवून त्यांची फसवणूक करायचे. काही गुंतवणूकदारांनी या ठिकाणी पैसे गुंतवले मात्र बरेच महिने उलटूनही परतावा न मिळाल्याने त्यांना आपले फसवणूक झाल्याचे लक्षात आले आहेत. याप्रकरणी त्यांनी डोंबिवली रामनगर पोलीस ठाण्यात तक्रार नोंदवली.

डोंबिवली रामनगर पोलिसानी 8 ते 9 जणांच्या फिर्यादी वरुण विविध कलमा अंतर्गत गुन्हा दाखल करत दोन आरोपींना ताब्यात घेत एका फरार आरोपीचा शोध सुरू केला आहे. फसवणुकीचा आकडा मोठ्या प्रमाणात वाढणार आहेत. नागरिकांनी अशा प्रकारे शेअर मार्केटिंग, डिजिटल अरेस्ट, जास्त पैसे देण्याच्या आमिषाला बळी न पडता अशा पकारे कोणी फसवत असेल तर त्याची माहिती पोलिसांना द्यावी, असे आवाहन पोलिसांकडून केले जात आहे.