Dharashiv Crime News : तुळजापूर तालुक्यात उत्पादन शुल्क विभागाची धाड, 5 लाखांची दारु जप्त

- बालाजी सुरवसे

Dharashiv :

राज्य उत्पादन शुल्क विभागाने धाराशिव जिल्ह्यातील खडकी तांडा येथे साडेपाच लाखांची अवैध गावठी दारू आणि निर्मितीचे साहित्य पकडले. या कारवाईमुळे धाराशिव जिल्ह्यात अवैध व्यवसाय करणा-यांवर जरब बसेल अशी चर्चा सुरु आहे. (Maharashtra News)

खडकी तांडा येथे मोठ्या प्रमाणात अवैध गावठी निर्मिती सुरू असल्याची माहिती राज्य उत्पादन शुल्क विभागाला मिळाली होती. याच अनुषंगाने सापळा रचून तब्बल पाच लाख 87 हजारांचा मुद्देमाल जप्त करण्यात यश आले आहे.

या प्रकणी तिघांवर तुळजापूर पोलिस ठाण्यात गुन्हा नोंदविण्यात आला आहे. राज्य उत्पादन शुल्क विभागाचे अधीक्षक गणेश बारगजे यांच्या पथकाने ही कारवाई केली आहे. लोकसभा निवडणुकीची धांदल सुरु असतानाच ही कारवाई झाल्याने बेकायदेशिर व्यवसाय करणा-यांचे धाबे दणाणले आहेत.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

Edited By : Siddharth Latkar