Dharashiv News : तुळजाभवानी दागिने चोरी प्रकरण; 4 महिन्यांपासून आराेपी माेकाट, नार्को टेस्टची मागणी

- बालाजी सुरवसे

Dharashiv News :

तुळजाभवानी मातेच्या (tuljabhavani) मौल्यवान दागिने गायब प्रकरणी नार्को टेस्ट करण्याची मागणी पुजारी मंडळाचे माजी अध्यक्ष किशोर गंगणे व ॲड.शिरीष कुलकर्णी यांनी जिल्हाधिकाऱ्यांमार्फत राज्य सरकारला निवेदनाद्वारे केली आहे. याबाबतचे निवेदन नुकतेच जिल्हाधिकारी यांना देण्यात आल्याचे सांगण्यात आले. (Maharashtra News)

महाराष्ट्राची कुलस्वामिनी श्री तुळजाभवानी देवीच्या अतिप्राचीन दागदागिने, मौल्यवान वस्तू व 71 पूरातन नाणी गायब झाले. या प्रकरणी संबंधित व्यक्तीची नार्को टेस्ट करून भाविकांना (devotees) न्याय द्यावा, अशी मागणी पुजारी मंडळाचे माजी अध्यक्ष किशोर गंगणे व ॲड.शिरीष कुलकर्णी यांनी जिल्हाधिकाऱ्यामार्फत राज्य सरकारला नुकतीच निवेदनाद्वारे केली आहे.

याप्रकरणी पोलिस प्रशासनाकडून चौकशी सुरू आहे. तुळजाभवानी देवीचे पुरातन व मौल्यवान सोने-चांदीचे दागिन्यांच्या चाेरी प्रकरणातील आरोपी 4 महिन्यांपासून पोलिसांना सापडत नाही. त्यामुळे आरोपींचा शोध घेऊन नार्को टेस्ट करावी अशी मागणी निवेदनातून करण्यात आली आहे.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

Edited By : Siddharth Latkar